بچوں کی پیدائش کے بعد شوہرکا اپنی بیوی کا چچا ہونے کا انکشاف، شادی ختم ، تفصیلات ایسی کہ یقین کرنا مشکل ہوگیا

شادی ٹوٹنے کا حیران کن واقعہ

قاہرہ (ویب ڈیسک) مصر میں شادی ٹوٹنے کا ایک حیران کن واقعہ سامنے آیا ہے، جہاں برسوں تک چلنے والی شادی کا اختتام ایک ایسی عجیب وجہ سے ہوا کہ سننے والوں کو یقین نہ آیا۔

یہ بھی پڑھیں: آلودگی کے اعتبار سے لاہور آج بھی دوسرے نمبر پر براجمان

مکمل طور پر کالعدم شادی

عرب میڈیا کے حوالے سے آج نیوز نے لکھا کہ شادی کے تین برس گزرنے اور تین بچوں کی پیدائش کے بعد شوہر اور بیوی کو اتفاقاً معلوم ہوا کہ ان کی شادی کالعدم ہے، کیونکہ 30 سالہ شوہر نے اپنی رضاعی بھتیجی سے شادی کر لی تھی۔ محمود نامی شوہر کی بیوی اس کے ماموں کی بیٹی تھی۔

یہ بھی پڑھیں: بہادر افسران اور جوانوں کی قربانیاں دفاع وطن کے غیر متزلزل عزم کا ثبوت ہیں: آرمی چیف جنرل سید عاصم منیر

حیرت کی بات

کچھ عرصہ پہلے دونوں کو یہ جان کر شدید جھٹکا لگا کہ ان کی شادی جائز نہیں اور انہیں اپنا نکاح فسخ کر دینا چاہیے۔ محمود کے ماموں (اس کی بیوی کے والد) نے بچپن میں کئی عرصے تک محمود کی والدہ کا دودھ پیا تھا۔ اس طرح وہ محمود کا رضاعی بھائی بن گیا لہٰذا محمود اپنی بیوی کا رضاعی چچا بن گیا۔

یہ بھی پڑھیں: وزیر اعلیٰ پنجاب سے ا طالوی سفیرماریلنا ارمیلن کی ملاقات، لائیو سٹاک اور ڈیر ی پراجیکٹ میں سرمایہ کاری پر اتفاق

نکاح خواں کا بیان

مصر کے مشرقی صوبے میں سرکاری خاتون نکاح خواں امل سلیمان نے "العربیہ" کو دیے گئے بیان میں کہا کہ یہ مصر میں طلاق کی عجیب و نادر ترین صورتوں میں سے ایک ہے، جب ایک خاندانی بیٹھک میں اتفاقاً یہ معلوم ہوا کہ یہ شادی کالعدم ہے۔ برسوں ساتھ گزارنے اور تین بچوں کی پیدائش کے بعد شوہر اور بیوی دونوں کے لیے یہ انتہائی مشکل معاملہ تھا۔

شرعی حیثیت کی وضاحت

انہوں نے کہا کہ دار الافتاء سے رجوع کرنے پر یہ تصدیق ہو گئی کہ ان کی شادی کالعدم ہے۔ اس لیے کہ شوہر اپنی بیوی کا رضاعی چچا ہے اور ایسی صورت میں شادی جاری نہیں رہ سکتی۔ بچوں کی شرعی حیثیت کے حوالے سے خاتون نکاح خواں نے تصدیق کی کہ شرعاً یہ اپنے باپ سے ہی منسوب ہوں گے تاہم ازدواجی تعلق ختم کرنا واجب ہے۔