مقبوضہ کشمیر پر بھارتی قبضے کے 77 برس مکمل، قومی اسمبلی میں یوم سیاہ کی قرارداد منظور

یوم سیاہ کی قرارداد

اسلام آباد (ڈیلی پاکستان آن لائن) مقبوضہ کشمیر پر بھارتی قبضے کے 77 برس مکمل ہونے پر قومی اسمبلی میں یوم سیاہ کی قرارداد متفقہ طور پر منظور کرلی گئی۔

یہ بھی پڑھیں: پی ٹی آئی لیڈر کے سیاسی ڈی این اے میں مذاکرات کی گنجائش نہیں، خواجہ آصف

قرارداد کی پیشکش

قومی اسمبلی میں قرارداد وزیر امور کشمیر انجینئر امیر مقام نے پیش کی۔

یہ بھی پڑھیں: ملک میں آٹے کی قیمت میں نمایاں کمی

قرارداد کا متن

قرارداد کے متن میں لکھا گیا کہ 27 اکتوبر 1948ء کو مقبوضہ کشمیر پر بھارتی افواج نے قبضہ کیا، اسی قبضے کے خلاف 27 اکتوبر کو یوم سیاہ کے طور پر منایا جاتا ہے۔ بھارتی افواج کے تسلط کے 77 برس مکمل ہونے پر یہ ایوان آج بھی مظلوم کشمیری عوام سے اظہار یکجہتی کرتا ہے۔

یہ بھی پڑھیں: کراچی کے عوامی پارکس کے تجارتی مقاصد کے استعمال کا کیس، وفاقی آئینی عدالت نے حکم امتناع جاری کر دیا

پاکستان کی حمایت

متن کے مطابق پاکستان کشمیر کی سیاسی، جمہوری اور سفارتی حمایت جاری رکھنے کی حمایت کا اعادہ کرتا ہے۔ ایوان ہزاروں کشمیری کارکنوں کو پابند سلاسل اور مرکزی لیڈرز کی گرفتاری کی شدید مذمت کرتا ہے۔

کشمیری عوام کی قربانی

قومی اسمبلی میں پیش کی گئی قرارداد میں مزید کہا گیا کہ ایوان بہادر کشمیری عوام کو زبردست خراج عقیدت پیش کرتا ہے جنہوں نے حق خود ارادیت کیلئے عظیم قربانیاں دیں۔ یہ ایوان مطالبہ کرتا ہے کہ مسئلہ کشمیر اقوام متحدہ کی قراردادوں کے مطابق حل کیا جائے۔