کینیڈا میں کار کا حادثہ، 4 بھارتی شہری ہلاک

ٹورنٹو میں ٹیسلا کار کا حادثہ

اوٹاوا (ڈیلی پاکستان آن لائن) کینیڈا کے شہر ٹورنٹو میں ٹیسلا کار دو سڑکوں کے درمیان بنے ڈیوائیڈر سے ٹکرا گئی، جس کے نتیجے میں گاڑی میں موجود چار بھارتی ہلاک ہوگئے۔

یہ بھی پڑھیں: بھارتی ڈی جی ایم او کو مودی سرکار نے پاکستان سے جنگ بندی پر بات کرنے کا حکم دیا، راہول گاندھی

حادثے کی تفصیلات

یہ فی الحال واضح نہیں ہوسکا کہ متاثرین کہاں جا رہے تھے یا ان کا ٹیسلا کار سیلف ڈرائیونگ ماڈل تھی یا نہیں۔ بھارتی میڈیا کے مطابق، کار حادثے میں ہلاک ہونے والے دو بہن بھائی، کیتا گوہل اور نیل گوہل، جو گجرات سے تعلق رکھتے ہیں، اُن کے ہمراہ 2 اور لوگ موجود تھے، جو آگ لگنے کے نتیجے میں ہلاک ہوگئے۔

یہ بھی پڑھیں: اداکارہ اسماء عباس کا واٹس ایپ اکاؤنٹ ہیک ہوگیا

نقصانات اور متاثرین

ایک شخص جو حال ہی میں کینیڈا کا شہری بنا تھا، وہ بھی اس حادثے میں ہلاک ہو گیا۔ ٹیسلا کے ایک ڈیوائیڈر سے ٹکرانے کے بعد اس کی بیٹری میں آگ لگ گئی، جس کے باعث چاروں افراد موقع پر ہی ہلاک ہوگئے۔

یہ بھی پڑھیں: قاضی فائز عیسیٰ اور مصدق ملک میں تلخ کلامی ہوئی ہے، صحافی ثاقب بشیر کا دعویٰ

عینی شاہدین کی گواہی

آگ میں جلتی ٹیسلا کے قریب سے گزرنے والے ایک شخص نے گاڑی سے 20 سالہ خاتون کو نکالنے کی کوشش کی، تاہم ہسپتال لے جانے پر وہ زخموں کی تاب نہ لاتے ہوئے چل بسی۔

یہ بھی پڑھیں: قائداعظمؒ کی مثالی قیادت آج بھی قوم اور افواج پاکستان کیلئے مشعل راہ ہے: مسلح افواج

مدد کی کوششیں

ایک عینی شاہد کے مطابق، کئی کاریں مدد کے لیے رکیں اور حادثے کا شکار افراد کی مدد کے لیے گاڑی کی کھڑکیاں توڑنے کی کوشش کیں۔

فائر فائٹرز کی کارروائی

ٹورنٹو فائر کے ڈپٹی چیف جم جیسپ نے وضاحت کی کہ الیکٹرک گاڑیوں میں لگنے والی آگ بجھانے کے لیے بہت زیادہ پانی کی ضرورت ہوتی ہے۔ آگ بجھانے کے بعد، فائر فائٹرز نے گاڑی کی بیٹری کو ریت سے بھرے ڈمپسٹر میں رکھ کر اور اسے محفوظ مقام پر پہنچا کر احتیاط سے ٹھکانے لگایا۔