نئی حکومت آنے کے بعد پاکستان اور چین کے باہمی روابط میں اضافہ ہوا: چینی سفیر

چینی سفیر کا بیان

اسلام آباد (ڈیلی پاکستان آن لائن) پاکستان میں تعینات چینی سفیر جیانگ ژی ڈونگ نے کہا ہے کہ نئی حکومت آنے کے بعد پاکستان اور چین کے باہمی روابط میں اضافہ ہوا ہے۔ انہوں نے مزید کہا کہ چار ماہ کے اندر پاک چین قیادت کی دوبارہ ملاقات دو طرفہ قریبی تعلق کا مظہر ہے۔

یہ بھی پڑھیں: آرمی چیف کا قصور سیکٹر، جلالپور پیر والا اور ملتان میں قائم فلڈ ریلیف کیمپس کا دورہ، متاثین کو مکمل تعاون کی یقین دہانی

چینی شہریوں کی حفاظت

اسلام آباد میں اپنی رہائشگاہ پر صحافیوں سے گفتگو کرتے ہوئے انہوں نے کہا کہ پاکستان میں دہشت گردی کا شکار ہونے والے چینی شہری معصوم تھے اور وہ پاکستان کی ترقی کے منصوبوں پر کام کر رہے تھے۔

یہ بھی پڑھیں: بین الملکی تعلقات کی بہتری کیلئے ثقافتی سفارتکاری اہم ہے: اسحاق ڈار

چین کی تشویش

جیانگ ژی ڈونگ نے کہا کہ چینی وزیراعظم نے اپنے دورے کے دوران صدر، وزیراعظم، سپیکر، چیئرمین سینیٹ، آرمی چیف اور دوسرے سکیورٹی عہدیداروں سمیت پاکستانی قیادت سے چینی شہریوں کے تحفظ کا معاملہ اٹھایا ہے۔ چین چاہتا ہے کہ اس کے شہریوں پر حملوں میں ملوث افراد کو کیفر کردار تک پہنچایا جائے۔

یہ بھی پڑھیں: بیرون ملک مقیم پاکستانیوں نے 4ماہ میں 11.84ارب ڈالر پاکستان بھیجے، سٹیٹ بینک

ایس سی او کا کامیاب انعقاد

انہوں نے کہا کہ پاکستان میں شنگھائی تعاون تنظیم (ایس سی او) کا کامیاب انعقاد ہوا۔ چینی وزیراعظم نے وزیراعظم شہباز شریف کے ہمراہ گوادر کے جدید ایئر پورٹ کا افتتاح کیا جبکہ چینی وزیراعظم کے دورے کے دوران کئی اہم ایم او یوز پر بھی دستخط ہوئے۔

یہ بھی پڑھیں: امریکی حملوں کے باوجود ایران کی ایٹم بم بنانیکی صلاحیت ختم نہیں ہوئی: عالمی تجزیہ کار

پاکستان کی قیادت کا عزم

چینی سفیر نے کہا کہ چین کے وزیراعظم کے ساتھ ملاقاتوں میں پاکستان کی سیاسی و عسکری قیادت نے اس عزم کا اظہار کیا ہے کہ وہ دہشت گردی کو جڑ سے اکھاڑ پھینکیں گے اور چینی شہریوں پر حملوں کی تحقیقات کریں گے۔