عدالت کا ایم ڈی کیٹ امتحان 4 ہفتوں میں دوبارہ لینے کا حکم

سندھ ہائی کورٹ کا فیصلہ

کراچی (ڈیلی پاکستان آن لائن) سندھ ہائی کورٹ نے ایم ڈی کیٹ دوبارہ لینے کا حکم دیا ہے جو کہ چار ہفتوں کے اندر ہوگا۔

یہ بھی پڑھیں: لاہور سے روس کیلئے 22 جون سے کارگو ٹرین سروس شروع کی جائے گی، وزیر ریلوے

ایم ڈی کیٹ میں بے ضابطگیاں

ایم ڈی کیٹ میں مبینہ بے ضابطگیوں کے کیس میں عدالت نے مختصر فیصلہ سنایا۔ جسٹس صلاح الدین پہنور نے پی ایم ڈی سی کے وکیل سے کہا کہ

“جہاں طاقت ور لوگ ہیں، وہاں آپ کے ہاتھ بندھے ہوئے ہیں۔ آج ہی ایم ڈی کیٹ کے نتائج کا اعلان کریں۔ کیا 8 ہزار روپے فی امیدوار لئے گئے؟ یہ غریب کے لئے زیادہ ہے، بظاہر یہ امتحان کمپرومائزڈ ہوا ہے۔”

یہ بھی پڑھیں: امریکہ سے جوہری مذاکرات کا چھٹا دور اتوار کو ہوگا: ایران

قانونی معاونت

پی ایم ڈی سی کے وکیل نے کہا کہ عدالت جو فیصلہ کرے گی، اس پر عمل کریں گے۔

یہ بھی پڑھیں: ٹریفک پولیس وارڈنز کے لیے سڑک اے سی والے کیبن بنا دیے گئے، ویڈیو

ایف آئی اے کی شواہد

ایف آئی اے کے وکیل نے بتایا کہ امتحانی عمل میں شریک افراد کے موبائل فونز فرانزک پر ہیں۔ ایک بندے نے میسجز ڈیلیٹ کیے ہوئے تھے جو ریکور ہوئے، فزیکل ثبوت بھی ملا ہے۔

سندھ حکومت کی ذمہ داری

عدالت نے کہا کہ چیف سیکرٹری سندھ، سیکرٹری صحت اور سیکرٹری جامعات سے احکامات لیں اور پوچھ کر بتائیں کہ اگر آئی بی اے دوبارہ ٹیسٹ لے تو سندھ حکومت کیا سہولتیں دے گی؟

ایڈیشنل چیف سیکرٹری نے کہا کہ عدالت کے حکم پر آئی بی اے کراچی سے مشاورت کرتے ہیں جس پر سندھ ہائی کورٹ نے جواب دیا:

“عدالت کے حکم پر کیوں؟ یہ آپ کا کام ہے، عدالت کے حکم کی ضرورت نہیں ہے۔”