کراچی، ایل پی جی کی دکان میں آتشزدگی کے باعث 2 افراد جاں بحق

کراچی میں ایل پی جی کی دکان میں خوفناک آگ

کراچی (ڈیلی پاکستان آن لائن) فیڈرل بی ایریا صغیر سینٹر میں ایل پی جی کی دکان میں آگ لگنے سے 2 افراد جھلس کر جاں بحق ہوگئے۔

یہ بھی پڑھیں: پنجاب میں دفعہ 144 نافذ

واقعے کی تفصیلات

ایکسپریس نیوز کے مطابق بلاک 16 صغیر سینٹر میں قائم ایل پی جی گیس سلنڈر کی دکان میں اچانک آگ بھڑک اٹھی، جو دیکھتے ہی دیکھتے شدت اختیار کر گئی۔ عینی شاہدین نے بتایا کہ آتشزدگی کے بعد گیس سلنڈر کے پھٹنے کی آوازیں بھی سنائی دیں۔

یہ بھی پڑھیں: وریندرسہواگ نے بھی بابراعظم کی خراب فارم پر لب کشائی کردی، مشورہ دیدیا

ایمرجنسی صورتحال

آتشزدگی کے وقت ایل پی جی دکان کے برابر موجود ہوٹل کے افراد بھی جان بچانے کے لئے بھاگ گئے، جس سے جائے وقوعہ کے اطراف میں خوف و ہراس پھیل گیا۔ اس واقعے کے دوران گلشن اقبال سے سہراب گوٹھ جانے والے راشد منہاس روڈ پر ٹریفک کی روانی شدید متاثر ہوئی، جس کی وجہ سے گاڑیوں کی لمبی قطاریں لگ گئیں۔

یہ بھی پڑھیں: امریکہ میں مریض کا غلط علاج کرنے پر ہسپتال کو 114 ارب روپے کا جرمانہ

فائر بریگیڈ کی کارروائی

آتشزدگی کی اطلاع ملنے پر کے ایم سی فائر بریگیڈ اور ریسکیو 1122 کا عملہ فوری طور پر موقع پر پہنچ گیا۔ انہوں نے سخت جدوجہد کے بعد آگ پر قابو پانے کے بعد کولنگ کا عمل شروع کیا اور دکان کی سرچنگ کی۔

جاں بحق افراد کی شناخت

تلاشی کے دوران دکان سے دو افراد کی جھلسی ہوئی لاشیں برآمد ہوئیں جنہیں ضابطے کی کارروائی کے لیے عباسی شہید ہسپتال منتقل کردیا گیا ہے۔