26ویں آئینی ترمیم چیلنج کرنے کا فیصلہ پیر تک ہو جائے گا: وقاص اکرم

شیخ وقاص اکرم کا بیان

اسلام آباد (ڈیلی پاکستان آن لائن) رہنما تحریک انصاف، شیخ وقاص اکرم نے کہا ہے کہ 26 ویں آئینی ترمیم کو چیلنج کرنے کا فیصلہ پیر تک ہو جائے گا۔

یہ بھی پڑھیں: لیسکو اور میٹر بنانیوالی کمپنیوں کا اجلاس، جدید اے ایم آئی سنگل فیز میٹرز کے حوالے سے اہم پیش رفت

احتجاج کی تیاری

دنیا نیوز کے ایک پروگرام میں بات کرتے ہوئے، شیخ وقاص اکرم نے کہا کہ تحریک انصاف کی کمیٹی نے 26 ویں آئینی ترمیم کے خلاف احتجاج کرنے کی سفارش کی ہے۔ پیر کو قانونی کمیٹی اس معاملے پر فیصلہ کرے گی۔

یہ بھی پڑھیں: شیخ مجیب پر مقدمہ چلایا گیا، وکیل منتخب کرنے کیلئے کہا گیا تو اے کے بروہی مرحوم کا نام لیا، بروہی نے حکومت کی تحریری یقین دہانی پر وکالت کی

بشریٰ بی بی کے مقدمات

انہوں نے مزید کہا کہ بشریٰ بی بی ایک گھریلو خاتون ہیں اور ان کے تمام کیسز میں ضمانت ہو چکی ہے۔ بشریٰ بی بی کے خلاف کیسز غیر قانونی ہیں اور ہمارے اوپر بھی بہت سے جھوٹے مقدمات ہیں۔ ڈیل کی باتیں کرنا ہمارے مخالفین کی بےہودہ کوشش ہے۔

یہ بھی پڑھیں: سونے کی فی تولہ قیمت میں ایک ہزار روپے کا اضافہ

زین قریشی کا استعفیٰ

زین قریشی کے استعفیٰ کے حوالے سے ایک سوال پر، شیخ وقاص اکرم نے کہا کہ زین قریشی نے ابھی تک کوئی استعفیٰ نہیں دیا، یہ بے بنیاد خبریں ہیں۔

سیاسی مشاورت کے سوالات

جب بشریٰ بی بی سے پارٹی رہنماو¿ں کی مشاورت کے بارے میں پوچھا گیا، تو انہوں نے جواب دیا کہ بانی پی ٹی آئی پہلے ہی کہہ چکے ہیں کہ ان کی بہنیں یا فیملی سیاست میں حصہ نہیں لیں گی۔ کل بشریٰ بی بی سے کسی کی کوئی سیاسی مشاورت نہیں ہوئی۔