اسرائیلی حملے پر خامنہ ای کا ردعمل بھی آگیا

ایرانی سپریم لیڈر کا اسرائیلی حملوں پر ردعمل

تہران (ڈیلی پاکستان آن لائن) ایرانی سپریم لیڈر آیت اللہ خامنہ ای نے اسرائیلی حملوں پر اپنا ردعمل دیتے ہوئے کہا ہے کہ اسے نہ کم سمجھنا چاہیے اور نہ ہی بڑھا چڑھا کر پیش کرنا چاہیے۔

یہ بھی پڑھیں: افغانستان میں زلزلے کے بعد امدادی کارروائیاں جاری، برطانیہ کا دس لاکھ پاؤنڈ، افغان سرمایہ کار کا متاثرین کے لیے 50 کروڑ افغانی روپے کی امداد کا اعلان

ایرانی فوجیوں کے اہل خانہ سے بات چیت

گزشتہ دنوں اسرائیلی حملوں میں ہلاک ہونے والے ایرانی فوجیوں کے اہل خانہ سے بات کرتے ہوئے خامنہ ای نے کہا کہ صیہونی ایران کے حوالے سے غلط اندازہ لگا رہے ہیں اور وہ اب تک ایرانی عوام کی طاقت اور عزم کو نہیں سمجھ سکے، ہمیں انہیں یہ سمجھانے کی ضرورت ہے۔

یہ بھی پڑھیں: فی الحال بانی پی ٹی آئی کی رہائی کا کوئی امکان نہیں، عطا تارڑ

حکام کی طاقت دکھانے کی حکمت عملی

ایکس پر جاری بیان میں انہوں نے کہا کہ ہمارے حکام اس بات کا فیصلہ کریں گے کہ دشمن کو اپنی طاقت دکھانے کے لیے کیا کرنا چاہیے اور جو بھی قوم کے مفاد میں ہوگا وہ کریں گے۔ دو روز قبل ہونے والے اسرائیلی حملوں کے حوالے سے بات کرتے ہوئے ایرانی سپریم لیڈر نے کہا کہ اس حملے کو نہ تو کم سمجھا جائے اور نہ ہی بڑھا چڑھا کر پیش کیا جائے۔

نیویارک ٹائمز کی رپورٹ

دوسری جانب امریکی اخبار نیویارک ٹائمز نے دعویٰ کیا ہے کہ ایرانی سپریم لیڈر آیت اللہ خامنہ ای شدید بیمار ہیں اور ممکنہ طور پر ان کے دوسرے بیٹے مجتبیٰ ان کے جانشین ہوسکتے ہیں۔