پاکستان تحریک انصاف کا پشاور اور کوئٹہ میں جلسہ کرنے کا فیصلہ

تحریک انصاف کی نئی حکمت عملی

اسلام آباد (ڈیلی پاکستان آن لائن) تحریک انصاف نے احتجاج کی حکمت عملی تبدیل کرکے دوبارہ جلسے کرنے کا فیصلہ کر لیا۔

یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا؟

نئے جلسوں کی تاریخیں

سما نیوز کے مطابق پاکستان تحریک انصاف کی سیاسی کمیٹی نے احتجاج کی حکمت عملی تبدیل کر دی ہے اور دوبارہ جلسے کرنے کا فیصلہ کر لیا ہے۔ یکم نومبر کو پشاور میں جلسہ ہوگا، 8 نومبر کو کوئٹہ میں جلسہ ہوگا، سلمان اکرم راجہ 6 نومبر کو این او سی کے لیے کوئٹہ جائیں گے۔

یہ بھی پڑھیں: قیدی وینز پر حملہ پولیس نے خود کروایا ہے، شیخ وقاص اکرم

مرکزی قیادت کی شرکت

سیاسی کمیٹی کے فیصلے کے مطابق ہر جلسے میں مرکزی قیادت شریک ہوگی۔ سیاسی کمیٹی نے نومبر کے تیسرے ہفتے کراچی میں جلسہ کرنے کی منظوری دے دی ہے۔ آئندہ تمام فیصلوں کی سیاسی کمیٹی سے لازمی منظوری لی جائے گی، اور بانی چیئرمین سے ملاقات سے قبل سیاسی کمیٹی کا اجلاس لازمی ہوگا۔

یہ بھی پڑھیں: شاباش…… بوائز، ٹیم گرین ویلڈن،پوری قوم تاریخی فتح پر خوش ہے:مریم نواز

قانونی معاملات پر توجہ

سیاسی کمیٹی نے پی ٹی آئی کے التوا کے شکار مقدمات کا معاملہ دوبارہ اٹھانے کا فیصلہ کیا ہے۔ انٹرا پارٹی الیکشن، مخصوص نشستوں اور دیگر کیسز کی پیروی کی جائے گی۔ پی ٹی آئی کا چیف الیکشن کمشنر کے خلاف ریفرنس کی درخواست کو دوبارہ اٹھانے کا فیصلہ کیا گیا ہے۔

تنظیم سازی پر غور

پارٹی کی تنظیم سازی کے عمل کا ازسر نو جائزہ لینے کی تجویز پر غور کیا گیا ہے۔ سیاسی کمیٹی میں سلمان اکرم راجہ نے بانی چیئرمین کا پیغام بھی دیا ہے۔