جعلی رسیدیں جاری کرنے پر ریسٹورنٹس سیل

ریجنل ٹیکس آفس کی کاروائی

اسلام آباد (ڈیلی پاکستان آن لائن) ریجنل ٹیکس آفس اسلام آباد نے جعلی رسیدیں جاری کرنے پر 2 ریسٹورنٹس سیل کردیے۔

یہ بھی پڑھیں: کالعدم تنظیم کے7 مطلوب کارندےگرفتار ، اسلحہ برآمد،تفتیش کے دوران اہم انکشافات

ایف بی آر کی رپورٹ

ایف بی آر کے مطابق پوائنٹ آف سیل ٹریکنگ سافٹ ویئر سے جعلی رسیدوں کی تصدیق ہوئی، دونوں ریسٹورنٹس کو سیل کر کے پانچ، پانچ لاکھ روپے جرمانہ کردیا گیا۔

یہ بھی پڑھیں: دورہ جنوبی افریقہ، بڑے کھلاڑیوں کی قومی ٹیم میں واپسی کا امکان

نئی انعامی اسکیم کا آغاز

ایف بی آر کا کہنا ہے کہ 25 اکتوبر سے پوائنٹ آف سیل انعامی اسکیم شروع ہوچکی ہے۔ پہلے مرحلے میں اسکیم اسلام آباد میں ریسٹورنٹس اور ریٹیلرز کے لیے متعارف کرائی گئی ہے، اسکیم کو اگلے ماہ سے پورے ملک تک توسیع دی جائے گی۔

انعامات کا اعلان

ایف بی آر کے مطابق جعلی رسیدوں کے بارے میں ایف بی آر کو مطلع کرنے والوں کو انعامات دیے جائیں گے۔ ایف بی آر صارفین کے بینک اکاؤنٹس میں نقد انعامات براہ راست منتقل کرےگا، یہ اہم اقدام جعلی رسیدوں کے رجحان کو روکنے کے لیے کیا گیا ہے۔