پی ایچ اے نے مال روڈ کے باغات کو مغلیہ طرز پر ڈویلپ کرنا شروع کر دیا

پروگرام کی تفصیلات

لاہور (ڈیلی پاکستان آن لائن) پارکس اینڈ ہارٹی کلچر اتھارٹی لاہور نے مال روڈ کے 3 پارکس کو مغلیہ ہارٹی کلچر انداز میں ڈویلپ کرنا شروع کر دیا ہے۔ اس اقدام کا مقصد لاہور کے ہارٹی کلچرل ورثہ کی بحالی اور گرین کور کو بڑھانا ہے۔

یہ بھی پڑھیں: خیبرپختونخوا میں کارکردگی کو دیکھا جاتا تو پی ٹی آئی کو ووٹ نہ ملتا، شیر افضل مروت

باغ نور جہاں کا منصوبہ

ایک بیان میں ترجمان نے بتایا کہ نیلا گنبد سے انارکلی بازار تک پھیلے اس منصوبہ کو 'باغ نور جہاں' کا نام دیا گیا ہے جو فضاء سے مور کی طرز پر دکھائی دے گا۔ اس ماحول دوست منصوبے سے پرندوں کو نئے گھونسلے بنانے کا موقع ملے گا اور اہل علاقہ کو دلکش سرسبز ماحول میسر آئے گا۔

یہ بھی پڑھیں: عالیہ حمزہ کو پانچ روز بعد جیل سے رہا کر دیا گیا

پودوں کی اقسام اور سہولیات

ترجمان نے بتایا کہ اس منصوبے کے تحت مقامی پھولوں و پودوں کی 80 سے زائد اقسام لگائی جائیں گی۔ اس کے ساتھ ساتھ 'باغ نور جہاں' میں پرندوں کے لیے برڈ باتھ کی سہولت بھی مہیا کی جائے گی۔

ماحول دوست اقدامات

ترجمان نے مزید بتایا کہ پی ایچ اے کے ماحول دوست منصوبوں سے بائیو ڈائیورسٹی کی بحالی کے ساتھ ساتھ پرندوں کے لیے موافق ماحول اور ہارٹی کلچرل حسن بڑھا ہے۔