میرا کسی سے اختلاف نہیں ہوتا، لوگ خوامخواہ میرے پیچھے لگ جاتے ہیں ، شیر افضل مروت

شیر افضل مروت کا بیان

اسلام آباد(ڈیلی پاکستان آن لائن)پاکستان تحریک انصاف کے رہنما اور رکن قومی اسمبلی شیر افضل مروت نے کہا ہے کہ میرا کسی سے اختلاف نہیں ہوتا، لوگ خوامخواہ میرے پیچھے لگ جاتے ہیں تو انہیں جواب دینا ضروری ہوتا ہے۔

یہ بھی پڑھیں: عمران خان کے سپہ سالار کے بارے میں ٹوئٹ پر پارٹی میں شدید تحفظات ہیں، علی امین گنڈا پور پیغام ملنے کے باوجود اڈیالہ جیل کا رخ نہیں کر رہے، سلمان غنی

علی امین گنڈاپور کے بارے میں رائے

نجی ٹی وی چینل جیو نیوز کے مارننگ پروگرام میں گفتگو کرتے ہوئے شیر افضل مروت نے کہا کہ علی امین گنڈاپور سے کوئی اختلاف نہیں، میں ان کا مداح ہوں۔ علی امین کے بہت سے اقدامات کی تعریف کی ہے۔ علی امین وزیراعلیٰ ہیں، احتجاج میں ان کے کردار کا (ن)لیگ اور دیگر جماعتیں ناجائز فائدہ اٹھاتی ہیں۔

یہ بھی پڑھیں: سپریم کورٹ؛بانی پی ٹی آئی کی 9مئی کے جوڈیشل تحقیقات کی درخواست باضابطہ سماعت کیلئے منظور

احتجاج کی حکمت عملی

شیر افضل مروت نے مزید کہا کہ مسلم لیگ ن اور دیگر جماعتیں یہ کہتی ہیں کہ صوبے نے مرکز پر چڑھائی کردی ہے، اور یہ کہ سرکاری وسائل کا ناجائز استعمال ہو رہا ہے۔ احتجاج میں ہمیں علی امین کے بجائے قیادت کو آگے لانا چاہئے۔ ہم گنڈاپور کی سپورٹ سے مستفید ہو سکتے ہیں۔

گورنر راج کے خطرات

انہوں نے کہا کہ علی امین کے احتجاج کو جواز بنا کر گورنر راج کیلئے راستہ ہموار ہو سکتا ہے، جس سے صوبے میں رہی سہی حکومت کے خاتمے کا جواز فراہم ہوگا۔ شیر افضل مروت نے وضاحت کی کہ تحریک انصاف کے فارم سے پہلے بھی احتجاج کامیاب رہے ہیں، اور یہ کہ احتجاج کمیٹی کے سپرد ہونا چاہئے۔ اس کے لئے سٹریٹیجی بنانا ضروری ہے۔