فتنہ ختم ہونے جا رہا ، گھس بیٹھیوں کی سیاست اپنے آخری دموں پر ہے: مریم نواز

مریم نواز کا پیغام

حافظ آباد (ڈیلی پاکستان آن لائن) وزیر اعلیٰ پنجاب مریم نواز نے کہا ہے کہ "پیشگوئی کررہی ہوں کہ یہ فتنہ ختم ہونے جارہا ہے، گھس بیٹھیوں کی سیاست اپنے آخری دموں پر ہے، سیاست اور گالم گلوچ سے لوگوں کے پیٹ نہیں بھرتے، عملی کام کرنے پڑتے ہیں۔"

یہ بھی پڑھیں: کوٹ ادو: تیز رفتار کار اور رکشہ کے درمیان تصادم، 4 جانیں ضائع

کسان کارڈ کی افتتاحی تقریب

حافظ آباد میں وزیراعلیٰ کسان کارڈ کی افتتاحی تقریب سے خطاب کرتے ہوئے مریم نواز نے کہا کہ "کسانوں کی زندگیوں میں بہتری لانے کے لئے دن رات کوشش کررہے ہیں، کسان کارڈ کے اجرا پر سب کو مبارکباد پیش کرتی ہوں۔"

یہ بھی پڑھیں: مشعال یوسفزئی کے لیے پی ٹی آئی ٹکٹ کا معاملہ، بلال غوری نے مریم ریاض وٹو کو وضاحت پر نئے امتحان میں ڈال دیا

کسانوں کی حمایت

وزیراعلیٰ پنجاب نے کہا کہ "اس بار کسانوں سے گندم نہ خریدنے پر اپنوں اور غیروں سے بلاتفریق تنقید سننے کو ملی لیکن جہاں مجھے عوام کی روٹی کا خیال کرنا ہے وہاں کسان بھائیوں کا بھی خیال کرنا ہے۔ ہمیں ایسی پالیسیاں بنانی ہیں کہ میرے کسان بھائیوں کو نقصان نہ ہو اور کسان کارڈ اس سلسلے کی سب سے بڑی کڑی ہے۔"

یہ بھی پڑھیں: ایران میں مظاہروں پر سپریم لیڈر کا رد عمل آگیا

براہ راست کسانوں کی مدد

انہوں نے کہا کہ "کسان کارڈ کے ذریعے ہم براہ راست کسان تک پہنچ رہے ہیں، بیچ میں کوئی مڈل مین، کوئی آڑھتی اور کوئی بلیک میلر نہیں ہوگا۔ میرا مقصد تھا کہ کسان بھائیوں کو ان کی محنت کا پورا صلہ ملے اور انہیں کسی آڑھتی اور مڈل مین کے ہاتھوں بلیک میل نہیں ہونا پڑے۔"

یہ بھی پڑھیں: پنجاب حکومت کے پاس ایک مضبوط اور مستند ڈیٹا بیس موجود ہے، مریم نواز

گندم کی خریداری کی حقیقت

مریم نواز نے مزید کہا کہ "یہ بھی غلط نظریہ ہے کہ حکومت کسان سے گندم خریدتی ہے۔ کسان تو اونے پونے داموں آڑھتی کو فصل بیچ دیتا ہے تاکہ اسے اگلی فصل کے لئے قرضہ مل جائے۔"

یہ بھی پڑھیں: قاضی فائر عیسیٰ کے ساتھ پیش آنے والے واقعے کی حمایت نہیں کرتے، علی محمد خان

قیمتوں میں کمی

انہوں نے کہا کہ "آڑھتیوں سے گندم نہ خریدنے کے فیصلے سے کھاد، ڈی اے پی اور بیج کی قیمتوں میں کمی آئی ہے اور کسان کے منافع میں اضافہ ہوگا۔ یوریا کی بوری 6 ہزار روپے سے 4400 پر آگئی ہے۔"

یہ بھی پڑھیں: قاسم خان کی طرف سے پاکستان کا GSP+ سٹیٹس ختم کرنے کا دعویٰ فیک نیوز ہے، iVerify Pakistan

کسان کارڈ کی کامیابیاں

وزیراعلیٰ پنجاب نے دعویٰ کیا کہ "کسان کارڈ ایکٹیویٹ ہوتے ہی کسانوں نے اس کے ذریعے کچھ دنوں میں 6 ارب روپے کی خریداری کرلی ہے۔"

یہ بھی پڑھیں: ایسا لگتا ہے کہ جنگ کے حوالے سے پہلے سے طے شدہ مگر نئی حکمتِ عملیوں پر عمل درآمد کا وقت آ گیا، محمد باقر قالیباف

کسانوں کو تحفے

انہوں نے بتایا کہ "ایک سے ساڑھے 12 لاکھ ایکڑ تک زمین پر گندم اگانے والوں کو کسان کارڈ ملا ہے اور 25 ایکڑ سے زائد رقبے پر گندم کاشت کرنے والے ایک ہزار کسانوں کو بطور تحفہ ٹریکٹر دیے جائیں گے۔"

یہ بھی پڑھیں: سابق کرکٹر رابن اُتھپا کی گرفتاری کا وارنٹ جاری، غریب مزدوروں کے ساتھ کیسے فراڈ کیا؟ تفصیلات سامنے آگئیں

زرعی اصلاحات

مریم نواز نے کہا کہ "غریبوں کا کچن چلانے کے لیے 3 ارب روپے کے پیکیج سے ہر شہر میں آلو، پیاز، ٹماٹر کاشت کرنے جارہے ہیں۔"

یہ بھی پڑھیں: جدہ میں قونصلیٹ کی نئی شاندار عمارت تیار ہوچکی ہے، قونصل جنرل مصطفیٰ ربانی

موجودہ حکومت کی کامیابیاں

وزیراعلیٰ پنجاب نے کہا کہ "لوگ کسان کے لئے سیاسی نعرے بہت لگاتے ہیں مگر کسانوں کے لئے عملی اقدامات صرف مسلم لیگ ن نے کئے ہیں۔"

یہ بھی پڑھیں: پنجاب حکومت کی فوتیدگی پر کھانے پکانے کی رسم پر پابندی بارے خبروں کی تردید

معاشی ترقی

انہوں نے بات کو آگے بڑھاتے ہوئے کہا کہ "آج نواز شریف کی حکومت ہے تو مہنگائی نیچے آرہی ہے۔ غیر ملکی مہمان آرہے ہیں، کانفرنسز ہورہی ہیں، بیرونی ممالک کا اعتماد بحال ہورہا ہے۔"

یہ بھی پڑھیں: کمشنر لاہور مریم خان کا دارالشفقت (یتیم خانہ) انجمن حمایت اسلام کا دورہ

آنے والے وقت کی تبدیلی

مریم نواز نے پیشگوئی کی کہ "یہ فتنہ ختم ہورہا ہے اور سیاسی گھس بیٹھیوں کی سیاست اپنے آخری دموں پر ہے۔"

وزیراعلیٰ کی حکمت عملی

انہوں نے کہا کہ "باہر یہ جو بھی بات کریں، فون کرکے ہمارے محکموں کو کہتے ہیں کہ ہم اپنے وزرا کی ٹیمیں بھیج کر وزیراعلیٰ پنجاب کے منصوبے سٹڈی کروانا چاہتے ہیں تاکہ اپنے صوبے میں بھی ان پر عملدرآمد کر سکیں۔"