ڈی پی ورلڈ کے وفد کا ایس آئی ایف سی کا دورہ، مختلف شعبوں میں سرمایہ کاری کیلئے دلچسپی کا اظہار

ڈی پی ورلڈ کا ایس آئی ایف سی کا دورہ

اسلام آباد (ڈیلی پاکستان آن لائن) ڈی پی ورلڈ کے وفد نے ایس آئی ایف سی کا دورہ کیا، دورے کے دوران وفد نے پاکستان میں مختلف شعبوں میں سرمایہ کاری کیلئے دلچسپی کا اظہار کر دیا۔

یہ بھی پڑھیں: بھارت میں مردہ خاتون آخری رسومات کے دوران زندہ ہو گئیں

پاکستان میں سرمایہ کاری کی دلچسپی

تفصیلات کے مطابق ڈی پی ورلڈ (DP World) کے اعلیٰ وفد نے ایس آئی ایف سی کا دورہ کیا، جو دوبئی کی ایک بڑی اور شہرہ آفاق فرم ہے۔ یوجراج نرائن کی قیادت میں ڈی پی ورلڈ کے اعلیٰ حکام نے پاکستان میں مختلف شعبوں میں سرمایہ کاری پر تفصیلی تبادلہ خیال کیا۔

یہ بھی پڑھیں: اے این ایف کی کارروائیاں ، 86 کلو سے زائد منشیات برآمد، 7 ملزمان گرفتار

کرچی پورٹ اور پیپری کے درمیان کوریڈور منصوبہ

ڈی پی ورلڈ نے کراچی پورٹ اور پیپری کے درمیان کوریڈور (Corridor) بنانے میں سرمایہ کاری کی خواہش کا اظہار کیا۔ انہوں نے ایس آئی ایف سی کی کاوشوں کو سراہتے ہوئے مکمل اعتماد کا اظہار کیا اور پاکستان میں سرمایہ کاری کے نئے امکانات کو دریافت کرنے کے لیے بھرپور عزم کا اظہار کیا۔