190 ملین پاؤنڈز ریفرنس؛ بانی پی ٹی آئی کی درخواست بریت کا ریکارڈ پیش، نیب پراسیکیوٹر نے وقت مانگ لیا

اسلام آباد ہائیکورٹ میں سماعت

اسلام آباد(ڈیلی پاکستان آن لائن) 190ملین پاؤنڈز ریفرنس میں بانی پی ٹی آئی و بشریٰ بی بی کے وکیل نے ٹرائل کورٹ سے درخواست بریت کا ریکارڈ اسلام آباد ہائیکورٹ میں پیش کر دیا۔ نیب پراسیکیوٹر نے کہاکہ ہمیں ریکارڈ دیکھنے کیلئے وقت دیدیا جائے، دو ہفتے بعد سماعت رکھ لیں۔ چیف جسٹس عامر فاروق نے کہاکہ آپ دو ہفتے مانگ رہے ہیں لیکن ہم سماعت دس دن کیلئے ملتوی کر دیتے ہیں۔

یہ بھی پڑھیں: گلوکارہ شائے گل ڈرون لگنے سے زخمی ہوگئیں

سماعت کے تفصیلات

اسلام آباد ہائیکورٹ میں 190 ملین پاؤنڈز ریفرنس میں بانی پی ٹی آئی اور بشریٰ بی بی کی بریت کی درخواستوں پر سماعت ہوئی۔ چیف جسٹس عامر فاروق اور جسٹس میاں گل حسن اورنگزیب نے درخواستوں پر سماعت کی۔ بانی پی ٹی آئی اور بشریٰ بی بی کے وکیل عثمان گِل اور نیب پراسیکیوٹر امجد پرویز عدالت میں پیش ہوئے۔

یہ بھی پڑھیں: 4سال سے لاپتہ لڑکی کی بازیابی کیلئے دائر درخواست پر رپورٹ لاہور ہائیکورٹ میں جمع

چیف جسٹس کا استفسار

چیف جسٹس عامر فاروق نے استفسار کیا کہ ٹرائل کہاں تک پہنچا ہے؟ نیب پراسیکیوٹر امجد پرویز نے کہاکہ نیب کے تفتیشی افسر پر جرح جاری ہے، ملزمان کے وکلاء کیس تاخیر کا شکار کر رہے ہیں۔ چیف جسٹس عامر فاروق نے کہاکہ ہم نے ٹرائل روکا تو نہیں ہے اسے مکمل کر لیں نا۔

یہ بھی پڑھیں: چارسدہ کی تحصیل شبقدر میں دیرینہ دشمنی پر مخالفین نے 2 چچازاد بھائیوں کو قتل کردیا

عدالت کے احکامات

چیف جسٹس نے بانی پی ٹی آئی کے وکیل سے مکالمہ کرتے ہوئے کہاکہ اس عدالت کے آرڈر کا غلط استعمال تو نہ کریں، جرح میں جتنا مرضی وقت لے لیں لیکن جرح مکمل کر لیں، یہ تاثر نہیں جانا چاہیے کہ آپ کیس میں تاخیر کر رہے ہیں۔

یہ بھی پڑھیں: بھارت سے وفاداری کسی کام نہ آئی، پاکستان کے خلاف زہر اگلنے والے دانش کنیریا کی تصویر انڈین سٹیڈیم سے ہٹا دی گئی۔

آئندہ کی سماعت

بانی پی ٹی آئی و بشریٰ بی بی کے وکیل نے ٹرائل کورٹ سے درخواست بریت کا ریکارڈ عدالت میں پیش کر دیا، نیب پراسیکیوٹر نے کہاکہ ہمیں ریکارڈ دیکھنے کیلئے وقت دیدیا جائے، دو ہفتے بعد سماعت رکھ لیں۔ چیف جسٹس عامر فاروق نے کہاکہ آپ دو ہفتے مانگ رہے ہیں لیکن ہم سماعت دس دن کیلئے ملتوی کر دیتے ہیں۔ عدالت نے درخواستوں پر سماعت 7 نومبر تک ملتوی کر دی، اسلام آباد ہائیکورٹ نے احتساب عدالت کو 190 ملین پاؤنڈز ریفرنس کا حتمی فیصلہ سنانے سے روکنے کے حکم میں 7 نومبر تک توسیع کردی۔

یاددہانی

یاد رہے کہ احتساب عدالت نے بانی پی ٹی آئی اور بشریٰ بی بی کی بریت کی درخواستیں مسترد کر دی تھیں، اسلام آباد ہائیکورٹ نے ٹرائل کورٹ کو کیس کا حتمی فیصلہ دینے سے روک رکھا ہے۔