خیبرپختونخوا: اورکزئی میں پولیو ٹیم کی حفاظت پر مامور پولیس ٹیم پر حملہ، 2 اہلکار جاں بحق

پشاور میں پولیو ٹیم کی حفاظت پر حملہ

پشاور(ڈیلی پاکستان آن لائن) خیبرپختونخوا کے ضلع اورکزئی میں پولیو ٹیم کی حفاظت پر مامور پولیس اہلکاروں پر حملے کے نتیجے میں 2 اہلکار جاں بحق ہو گئے، جبکہ جوابی فائرنگ سے 3 دہشت گرد مارے گئے۔

یہ بھی پڑھیں: 26ویں آئینی ترمیم سے انصاف کے حصول میں تیزی آئے گی، ملک احمد خان

حملے کی تفصیلات

ڈان نیوز کے مطابق، پولیس نے بتایا کہ صبح کے وقت پولیو ٹیم کی حفاظت پر مامور پولیس اہلکاروں پر دہشتگردوں نے حملہ کیا، جس کے نتیجے میں ایک اہلکار جاں بحق اور دوسرا زخمی ہوا۔ بعد ازاں، زخمی ہونے والا پولیس اہلکار بھی دم توڑ گیا، جس کے بعد جاں بحق اہلکاروں کی تعداد 2 ہو گئی۔

یہ بھی پڑھیں: نواز شریف اور جونیجو کی صلح کرا دی گئی، حکومت کیخلاف عدم اعتماد کی قرارداد پیش کرنا چاہی تو بینظیر اپنے حامی ارکان کو سوات لے گئیں

پولیس کا جواب

ڈسٹرکٹ پولیس افسر (ڈی پی او) نذیر خان نے بتایا کہ جاں بحق ہونے والے پولیس اہلکاروں نے دلیری سے مقابلہ کیا اور پولیس کی فائرنگ سے 3 دہشت گرد ہلاک ہو گئے۔

یہ بھی پڑھیں: پاکستان سے پہلے ٹی ٹوئنٹی میچ جیتنے کے بعد آسٹریلوی کپتان کی گفتگو

صدر مملکت کا بیان

صدر مملکت آصف علی زرداری نے اورکزئی میں انسدادِ پولیو ٹیم پر حملے کی مذمت کرتے ہوئے کہا ہے کہ انسدادِ پولیو ٹیم پر حملے میں پولیس اہلکاروں کی شہادت پر افسوس ہے۔ انہوں نے ان کی بہادری اور حب الوطنی کی تعریف کی اور ملک سے پولیو کے مکمل خاتمے کے لئے کوششیں جاری رکھنے کا عزم ظاہر کیا۔

یہ بھی پڑھیں: شیریں مزاری کی بیٹی کی پاک انگلینڈ ٹیموں کے لیے لگا یا گیا روٹ توڑنے کی کوشش، پولیس اہلکاروں سے مزاحمت

وزیر داخلہ کی مذمت

دریں اثنا، وزیرداخلہ محسن نقوی نے اورکزئی کے علاقے میں پولیو ٹیم پر دہشت گردوں کے حملے کی شدید الفاظ میں مذمت کی ہے۔ ان کا کہنا تھا کہ دہشت گردوں کا بہادری سے مقابلہ کرتے ہوئے شہید ہونے والے 2 پولیس اہلکاروں کو خراج عقیدت پیش کرتے ہیں۔

یہ بھی پڑھیں: آئینی ترمیم سے جسٹس منصور کا راستہ رُکا ، رانا ثنا اللہ کا اعتراف

حملے کی ناکامی

محسن نقوی نے 3 دہشت گردوں کو ہلاک کرنے پر پولیس اہلکاروں کو خراج تحسین پیش کیا۔ ان کا کہنا تھا کہ پولیس اہلکاروں نے جرات کے ساتھ مقابلہ کرتے ہوئے دہشت گردوں کے مذموم عزائم کو ناکام بنایا۔ انہوں نے مزید کہا کہ دہشت گردوں کا پولیو ٹیم پر حملہ پاکستان کے محفوظ مستقبل پر حملہ ہے۔ قوم بہادر پولیس اہلکاروں کو سلام پیش کرتی ہے۔

یہ بھی پڑھیں: قومی ٹیم کے ہیڈ کوچ سے استعفیٰ دینے کے بعد گیری کرسٹن نے بڑا اعلان کر دیا

باقی واقعات

دوسری جانب، کوہاٹ تھانہ ملز ایریا کی حدود میں موٹرسائیکل سوار مسلح افراد نے پولیو ٹیم کی حفاظت پر مامور پولیس پر فائرنگ کر دی، تاہم پولیس کے جوانوں نے کوئیک رسپانس کرکے حملہ ناکام بنا دیا۔

پولیو مہم ملتوی

پولیس کا کہنا تھا کہ بروقت جوابی کارروائی سے ملزمان موٹر سائیکل اور موبائل چھوڑ کر قریبی آبادی میں روپوش ہو گئے، حملہ آوروں کی گرفتاری کے لئے سرچ آپریشن جاری ہے۔ سکیورٹی خدشات کے باعث 6 اضلاع میں پولیو مہم ملتوی کر دی گئی ہے۔ پولیو حکام نے بتایا کہ مہم 28 اکتوبر سے شروع ہوئی تھی، جسے ملتوی کر دیا گیا ہے۔ مزید کہا گیا ہے کہ ضلع کرم، جنوبی وزیرستان، اپر اور لوئر وزیرستان میں بھی مہم ملتوی کی گئی ہے۔ حکام نے بتایا کہ بنوں اور شمالی وزیرستان میں بھی پولیو مہم نہیں ہو گی۔ سکیورٹی کلیئرنس کے بعد مہم دوبارہ شروع کی جائے گی۔