لارنس بشنوئی گینگ کی ایک اور بھارتی سیاستدان کو جان سے مارنے کی دھمکی

بشنوئی گینگ کی جانب سے دھمکی

ممبئی (ڈیلی پاکستان آن لائن) بھارت کے بدنامِ زمانہ بشنوئی گینگ نے اب بہار کے ضلع پورنیا سے تعلق رکھنے والے پارلیمنٹ کے رکن پپو یادو کو بھی قتل کی دھمکی دی ہے۔ پپو یادو نے ممبئی میں بابا صدیقی کے قتل کے بعد سلمان خان کے حق میں بیان دیا تھا۔

یہ بھی پڑھیں: وزیراعلیٰ مریم نواز کی سالگرہ کی تقریب، وزیر اطلاعات پنجاب عظمیٰ بخاری نے کیک کاٹا

پپو یادو کی سیکیورٹی کی درخواست

انڈین ایکسپریس کے مطابق پپو یادو نے کہا ہے کہ مجھے کسی بھی وقت قتل کیا جاسکتا ہے اس لیے ریاستی حکومت اضافی سیکیورٹی فراہم کرے۔

یہ بھی پڑھیں: لاہور میں تیز رفتار کار کی زد میں آکر 2 بھائی جاں بحق، وزیر اعلیٰ کا نوٹس ،سی سی پی او سے رپورٹ طلب

بشنوئی گینگ کی دھمکیوں پر رائے

پپو یادو کا کہنا ہے کہ بشنوئی گینگ صرف بڑھکیں مارتا ہے۔ اس کی دھمکیوں سے ڈرنے کی ضرورت نہیں۔ اگر تمام اختیارات کے ساتھ کارروائی کی اجازت دی جائے تو صرف دو دن میں بشنوئی گینگ کو جڑ سے اکھاڑ سکتا ہوں۔

یہ بھی پڑھیں: پنجاب کیلئے بڑاعالمی اعزاز، سال 2027 ء کیلئے لاہور ”ای سی او“ کا سیاحتی دارالحکومت نامزد

آڈیو فائل کے ذریعے دھمکی

بشنوئی گینگ نے آڈیو فائل کے ذریعے دی جانے والی دھمکی میں کہا ہے کہ ہم نے نظر رکھی ہوئی ہے کہ کہاں جاتے ہو، کیا کرتے ہو۔ اگر سلمان خان کے حق میں بولنے سے باز نہ آئے تو عبرت ناک انجام کا سامنا کرنا پڑے گا۔

یہ بھی پڑھیں: ویزوں کے مسائل حل، یو اے ای جانے کے خواہشمند افراد کیلئے بڑی خوشخبری

سلمان خان اور بشنوئی گینگ کے درمیان تنازعہ

یاد رہے کہ بشنوئی گینگ نے بابا صدیقی کے قتل کی ذمہ داری کا دعوٰی کرتے ہوئے کہا تھا کہ جو بھی سلمان خان کی حمایت میں سامنے آئے گا وہ ہمارے نشانے پر ہوگا۔

یہ بھی پڑھیں: وزیر اعلیٰ کا جیک آباد بس حادثے پر اظہار افسوس

کالا ہرن کیس

سلمان خان اور بشنوئی گینگ کے درمیان 1998 میں کالے ہرن ہلاک کیے جانے کی بنیاد پر ٹھنی ہوئی ہے۔ راجستھان اور ہریانہ میں آباد بشنوئی برادری کالے ہرن کی پوجا کرتی ہے۔ اس کا کہنا ہے کہ سلمان خان کو معافی صرف اس صورت میں مل سکتی ہے کہ وہ بشنوئی برادری کے بڑے مندر میں آکر پوری کمیونٹی سے معافی مانگے۔

پولیس کی کارروائی

کچھ دن قبل بشنوئی گینگ سے تعلق رکھنے والے ایک شخص نے سلمان خان سے پانچ کروڑ روپے ادا کرنے کا کہا تھا۔ پولیس نے دھمکی دینے والے کو گرفتار کرلیا تھا۔ سلمان خان اور بابا صدیقی کے بیٹے ذیشان صدیقی کو قتل کی دھمکی دینے والے شخص کو بھی ممبئی پولیس نے گرفتار کرلیا ہے.