لاہور پولو کلب کے زیراہتمام میشا اینڈ ابراہیم پولو کپ 2024ء شروع ہوگیا

لاہور (سپورٹس رپورٹر) لاہور پولو کلب کے زیراہتمام میشا اینڈ ابراہیم پولو کپ 2024ء شروع ہوگیا۔ پہلے روز دو اہم میچز کھیلے گئے جن کو دیکھنے کیلئے تماشائیوں اور فیملیز کی تعداد بھی موجود تھی۔

یہ بھی پڑھیں: این اے 129 میں مخالفین کے تمام اقدامات کے باوجود عوام ساری عمران خان کے ساتھ ہے، حماد اظہر

کلب کے اہم اراکین کی موجودگی

اس موقع پر کلب کے صدر ملک اعظم حیات نون، ایگزیکٹو کمیٹی ممبرز، سیکرٹری کرنل عامر اور دیگر بھی موجود تھے۔

یہ بھی پڑھیں: صدر مملکت آصف علی زرداری سے سعودی سفیر نواف بن سعید المالکی کی اہم ملاقات

پہلا میچ: ڈائمنڈ پینٹس بمقابلہ سائیفا لوجسٹک

پہلے میچ میں ڈائمنڈ پینٹس نے سائیفا لوجسٹک انٹرنیشنل کی ٹیم کو 10-5.5 سے ہرا دیا۔ ڈائمنڈ پینٹس کی طرف سے راجہ جلال ارسلان نے 7 گول، جبکہ میر حذیفہ احمد نے 3 گول سکور کیے۔ ہارنے والی ٹیم سائیفا لوجسٹک کی جانب سے راجہ سمیع اللہ نے چار گول سکور کیے، حالانکہ انہیں ڈیڑھ گول ہینڈی کیپ ایڈوانٹیج بھی حاصل تھا۔

یہ بھی پڑھیں: نواز شریف اور وزیراعلیٰ مریم نواز کی عرفان شفیع کھوکھر مرحوم اور میاں مرغوب احمد کی رہائش گاہوں پر آمد

دوسرا میچ: نیوایج کیبلز کا گارڈ گروپ کے خلاف فتح

دوسرے میچ میں نیوایج کیبلز کی ٹیم نے گارڈ گروپ کی ٹیم کو 10-3.5 گول سے ہرا دیا۔ نیوایج کیبلز کی طرف سے عبدالرحمان منوں نے چھ گول اور عمر اسجد ملہی نے چار گول سکور کیے۔ گارڈ گروپ کی جانب سے تیمور علی ملک نے دو اور احمد بلال ریاض نے ایک گول سکور کیا۔

آج کے میچز کا شیڈول

آج بروز بدھ کی دوپہر اڑھائی بجے شیخو سٹیل کا مقابلہ ریجاس / پلاٹینم ہومز سے جبکہ ساڑھے تین بجے ٹوٹل نیوٹریشن کا مقابلہ ایف جی / دین پولو سے ہوگا۔