سپورٹس بورڈ پنجاب کے زیر اہتمام پنجاب کی تاریخ کی سب بڑے گیمز ”کھیلتا پنجاب،، کا آغاز کل سے ہوگا

کھیلتا پنجاب کے بڑے گیمنگ ایونٹ کا آغاز

لاہور(ڈیلی پاکستان آن لائن) سپورٹس بورڈ پنجاب کے زیر اہتمام پنجاب کی تاریخ کے سب بڑے گیمز "کھیلتا پنجاب" کا آغاز کل سے ہوگا۔

یہ بھی پڑھیں: لاہور؛ نواب ٹاؤن میں رائے ونڈ روڈ پر نجی یونیورسٹی کی طالبہ چھت سے نیچے کود گئی

افتتاحی تقریب کی تفصیلات

صوبائی وزیر کھیل و مورنوجوانان پنجاب ملک فیصل ایوب کھوکھر جمنازیم ہال نشتر پارک سپورٹس کمپلیکس میں افتتاحی تقریب کے مہمان خصوصی ہوں گے۔ اس موقع پر سیکرٹری سپورٹس اینڈ یوتھ افیئرز پنجاب مظفر خان سیال اور ڈائریکٹر جنرل سپورٹس پنجاب پرویز اقبال بھی موجود ہوں گے۔

یہ بھی پڑھیں: پاکستانی خلا باز جلد چینی اسپیس اسٹیشن پر جائیں گے

شرکت کرنے والے کھلاڑیوں کی تعداد

کھیلتا پنجاب کے تحت 2024 میں پنجاب کے ایک لاکھ 20 ہزار کھلاڑی شرکت کر رہے ہیں۔ صوبے کے تمام اضلاع میں کھیلتا پنجاب گیمز کی افتتاحی تقریبات منعقد ہوں گی۔

یہ بھی پڑھیں: پنجاب: دفعہ 144 میں مزید 7 روز کی توسیع، احتجاجی سرگرمیوں پر پابندی برقرار

مقابلوں کا شیڈول

ڈسٹرکٹ کی سطح پر یکم نومبر سے 14 نومبر تک مقابلے ہوں گے، جبکہ ڈویژن کی سطح پر 17 نومبر سے 26 نومبر اور صوبائی سطح پر 30 نومبر سے 5 دسمبر تک مقابلے ہوں گے۔

یہ بھی پڑھیں: پی آئی کی نجکاری، دیر آیا درست آیا۔ اس پر حکومت کریڈٹ نہیں، قوم سے معافی مانگے، مزمل اسلم

کھیلوں کی اقسام

کھیلتا پنجاب کے پہلے مرحلے میں ڈسٹرکٹ کی سطح پر 6 گیمز، بشمول ایتھلیٹکس (بوائز اور گرلز)، بیڈمنٹن (بوائز اور گرلز)، فٹ بال، کبڈی، ہاکی اور کرکٹ ٹیپ بال شامل ہوں گے۔

یہ بھی پڑھیں: مودی سرکار کے تمام دعوؤں کی حقیقت کھل گئی، بھارتی معیشت کو شدید بحران کا خطرہ، امریکی ٹیرف سے اہم صنعتیں مفلوج

خصوصی بچوں کے لئے مقابلے

کھیلتا پنجاب گیمز میں خصوصی بچوں کے مقابلے بھی ہوں گے۔

انعامات کی تفصیلات

ڈویژن کی سطح پر 12 گیمز کے مقابلے ہوں گے، اور کھیلتا پنجاب گیمز میں 10 کروڑ روپے کے انعامات جیتنے والے کھلاڑیوں کو دیئے جائیں گے۔ ڈسٹرکٹ کی سطح پر 4 کروڑ روپے سے زائد کے انعامات تقسیم کئے جائیں گے۔