عمران خان سے ملاقات کیلئے گئے تو کہا گیا کہ سیاست پر بات نا کریں، تو کیا ہم موسم پر بات کریں؟ اسدقیصر

اسلام آباد میں پی ٹی آئی رہنما کی پریس کانفرنس

پی ٹی آئی رہنما اور سابق اسپیکر قومی اسمبلی اسد قیصر نے کہا ہے کہ عمران خان سے ملاقات کے لیے گئے تو کہا گیا کہ سیاست پر بات نا کریں۔

یہ بھی پڑھیں: بھارت نے پاکستان کو دریائے ستلج پر اونچے درجے کے سیلاب سے آگاہ کردیا، قصور، اوکاڑہ، بہاولنگر اور پاکتن سمیت 9 اضلاع ہائی الرٹ

اڈیالہ جیل میں ملاقات کا ذکر

قومی اسمبلی میں اظہار خیال کرتے ہوئے اسد قیصر نے کہا کہ کل ہم عمران خان سے ملاقات کے لیے اڈیالہ جیل گئے لیکن ہماری توہین کی گئی۔

یہ بھی پڑھیں: بنگلہ دیش ایئر فورس کا تربیتی طیارہ سکول کی عمارت سے ٹکرا کر تباہ، متعدد طلبہ زخمی

سیاست پر بات کرنے کی ممانعت

انہوں نے کہا کہ ہمیں کہا گیا کہ سیاسی بات نہیں کریں گے، ہم نے کہا کہ کیا ہم عمران خان سے موسم پر بات کریں؟ یہ ہماری نہیں بلکہ پارلیمنٹ کی توہین کی گئی۔

یہ بھی پڑھیں: لوگوں کو دو دو ہزار سال کی سزائیں سنادیں؟ کیا ایسے ملک چلے گا؟ فواد چودھری

مریم نواز اور علی امین گنڈا پور کی باتیں

سابق اسپیکر کا کہنا تھا کہ مریم نواز نے بھارتی پنجاب سے مل کر بات کرنے کی بات کی، جس طرح مریم نواز نے بات کی، اسی طرح علی امین گنڈا پور نے بھی بات کی تھی۔ وزیر اعلیٰ خیبرپختونخوا نے افغانستان سے بات چیت کا کہا تو شور مچایا گیا، معیار سب کے لیے ایک ہونا چاہیے۔

تحریک انصاف کا وفد ملاقات کی اجازت سے محروم

واضح رہے کہ گزشتہ روز تحریک انصاف کا وفد عمران خان سے ملاقات کے لیے اڈیالہ جیل گیا تھا مگر انہیں ملاقات کی اجازت نہیں مل سکی۔