عادل خان بازئی کی نااہلی کے ریفرنس پر جلد فیصلہ کرنے کیلئے الیکشن کمیشن کو تیسرا خط

عادل خان بازئی کی نااہلی کا معاملہ

اسلام آباد (ڈیلی پاکستان آن لائن) مسلم لیگ ن کے منحرف رکن قومی اسمبلی عادل خان بازئی کی نااہلی کا معاملہ شدت اختیار کر گیا ہے۔ قومی اسمبلی سیکرٹریٹ نے عادل خان بازئی کی نااہلی کے ریفرنس پر جلد فیصلہ کرنے کے لیے الیکشن کمیشن کو تیسری مرتبہ خط لکھ دیا ہے۔

یہ بھی پڑھیں: آرمی چیف کی مدت ملازمت میں توسیع: ‘اچھے کردار کے حامل رہیں اور نتائج دیں، ورنہ!’

ریفرنس کی تفصیلات

پارٹی صدر میاں نواز شریف نے آئین کے آرٹیکل 63 اے کے تحت عادل خان بازئی کو نااہل کرنے کا ریفرنس سپیکر قومی اسمبلی کو بھجوایا تھا۔ اس ریفرنس میں مطالبہ کیا گیا ہے کہ عادل بازئی کو نا اہل قرار دے کر ان کی نشست خالی قرار دی جائے۔

یہ بھی پڑھیں: لاہور: گھریلو ملازمہ پر مالکن کا بہیمانہ تشدد، سر کے بال کاٹ دیے

عادل خان کا پس منظر

عادل خان بازئی قومی اسمبلی کے حلقہ این اے 262 سے مسلم لیگ ن کے ٹکٹ پر منتخب ہوئے تھے۔ انہوں نے پارٹی قیادت کی ہدایات کے برعکس بجٹ اور 26 ویں آئینی ترمیم میں ووٹ نہیں دیا تھا، جس پر پارٹی نے ان کے خلاف کارروائی کا فیصلہ کیا۔

خطوط کی تاریخ

قومی اسمبلی سیکرٹریٹ پہلے بھی دو مرتبہ الیکشن کمیشن کو خطوط بھجوا چکا ہے، تاہم اس بار تیسرا خط ایڈوائزر قانون سازی محمد مشتاق کی جانب سے سیکرٹری الیکشن کمیشن کو ارسال کیا گیا ہے۔