ایرانی سفیر رضا امیری مقدم کا پاک بحریہ کے نام تعریفی پیغام

ایرانی سفیر کی پاک بحریہ کی ستائش

اسلام آباد (ڈیلی پاکستان آن لائن) پاکستان میں ایرانی سفیر رضا امیری مقدم نے سماجی رابطے کی ویب سائٹ ایکس پر ایک تعریفی پیغام جاری کیا ہے جس میں انہوں نے پاک بحریہ کی خدمات کی ستائش کی۔

یہ بھی پڑھیں: کوئٹہ میں پولیس اہلکار کے نجی سیل پر چھاپہ، چار نوجوان بازیاب

ماہی گیری کے حادثے میں امداد

انہوں نے ماہی گیری کے دوران حادثے سے دوچار کشتی کی امداد کے لیے پاک بحریہ کے بروقت جواب پر انہیں سراہتے ہوئے کہا، "میں ماہی گیری کی حادثہ سے دوچار کشتی کی کھلے سمندر میں امداد کی ہنگامی کال پر پاک بحریہ کے بروقت جواب پر انہیں سراہتا ہوں۔"

یہ بھی پڑھیں: حمزہ شوگر ملز سمیت 9 بیگاس پاور پلانٹ کی بجلی کے ٹیرف میں کمی کی درخواست

ایرانی ماہی گیروں کی محفوظ واپسی

انہوں نے مزید کہا کہ "کشتی حادثے میں پھنسے 23 ایرانی ماہی گیروں کو بحفاظت نکالنے پر پاک بحریہ کی مخلصانہ تعریف کرتا ہوں۔" ایرانی سفیر نے یہ بھی بیان کیا کہ "ایران اور پاکستان کے درمیان بین الاقوامی پانیوں میں ریسکیو اور انسانی امدادی آپریشنز میں قریبی باہمی تعاون موجود ہے۔"

یہ بھی پڑھیں: پی ٹی آئی میں اختلافات روز بروز بڑھتے جا رہے ہیں: شیر افضل مروت

مشکل وقت میں باہمی تعاون

انہوں نے مارچ 2024 کا حوالہ دیتے ہوئے کہا کہ "مجھے یاد ہے کہ پاکستان نیوی نے آگ میں پھنسے 8 ماہی گیروں کو بھی بچایا تھا۔" رضا امیری مقدم نے اس بات پر زور دیا کہ "ایران اور پاکستان دونوں برادر ممالک کی تاریخ میں ہمیشہ مشکل وقت میں ایک دوسرے کے شانہ بشانہ کھڑے رہے ہیں۔"