صدر اور وزیر اعظم کے طیاروں کے لیے 1.8 ارب روپے کی منظوری

ای سی سی کا اجلاس: اہم فیصلے اور گرانٹس

اسلام آباد(ڈیلی پاکستان آن لائن) وفاقی وزیر خزانہ کی زیر صدارت اقتصادی رابطہ کمیٹی (ای سی سی) کے اجلاس کا اعلامیہ جاری کر دیا گیا ہے، جس میں متعدد اہم فیصلوں اور گرانٹس کی منظوری دی گئی ہے۔

یہ بھی پڑھیں: پنجاب یونیورسٹی ہاسٹل کے سامنے خوفناک ٹریفک حادثہ، طالبعلم سمیت 2 افراد جاں بحق

گندم کی فراہمی کی سمری

ای سی سی نے پاسکو کے ذخائر سے گندم کی فراہمی کی سمری منظور کر لی ہے۔ وزیر اعظم آفس کے لیے 25 کروڑ 27 لاکھ روپے کی سپلیمنٹری گرانٹ بھی منظور کی گئی ہے، جو وزیر اعظم ہاؤس اور اسٹاف کالونی میں شہری خدمات کی فراہمی پر خرچ کی جائے گی۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

ایئرکرافٹ کی بحالی کے لیے گرانٹ

وزیر اعظم اور صدر کے زیر استعمال ایئرکرافٹ کے انجن کی بحالی کے لیے ایک ارب 80 کروڑ روپے کی سپلیمنٹری گرانٹ کی منظوری دی گئی ہے۔ ای پاسپورٹ سسٹم کی خریداری کے لیے 2 ارب 93 کروڑ 90 لاکھ روپے کی تکنیکی گرانٹ بھی منظور کی گئی۔

یہ بھی پڑھیں: لاہور سمیت پنجاب کے مختلف شہروں میں طوفانی بارش، نشیبی علاقے زیر آب

فلڈ رسپانس ایمرجنسی ہاؤسنگ پروجیکٹ

اجلاس میں فلڈ رسپانس ایمرجنسی ہاؤسنگ پروجیکٹ کے لیے 30 ارب روپے کی گرانٹ کی سمری کی منظوری دی گئی ہے، جو سیلاب متاثرین کی بحالی کے منصوبوں پر خرچ کی جائے گی۔

نیب کے اخراجات اور تجارتی مشن کی گرانٹس

اس کے علاوہ، نیب کے اخراجات پورا کرنے کے لیے 37 کروڑ 60 لاکھ روپے کی تکنیکی سپلیمنٹری گرانٹ منظور کی گئی۔ چائنہ میں تجارتی اور سرمایہ کاری مشن کی سپورٹ کے لیے 22 کروڑ 67 لاکھ روپے کی گرانٹ کی بھی منظوری دی گئی ہے۔