حکومت نے ’’عوامی مشروب‘‘ کی نئی قیمت مقرر کردی

چائے کی قیمت میں اضافہ

اسلام آباد (ڈیلی پاکستان آن لائن) وفاقی حکومت نے عوامی مشروب یقنی چائے کی قیمت میں اضافہ کردیا ہے۔

یہ بھی پڑھیں: بابر اعظم اور محمد رضوان کو گیم میں بہتری لانے کی ٹپس دی ہیں، ڈائریکٹر ہائی پرفارمنس سینٹر عاقب جاوید

نوٹیفکیشن کا اجرا

ایکسپریس نیوز کے مطابق پتی کی قیمت میں اضافے کا نوٹیفکیشن فیڈرل بورڈ آف ریونیو کی جانب سے جاری کیا گیا ہے۔ اس نوٹیفکیشن کے مطابق چائے کی پتی کی پرچون قیمت کم سے کم 1200 روپے فی کلو ہوگی اور یہ درآمد و سپلائی پر بھی لاگو ہوگا۔

یہ بھی پڑھیں: حامد میر نے پاکستان میں ڈرون بھیجنے کے بھارتی عزائم بیان کردیے

سیلز ٹیکس کی وضاحت

فیڈرل بورڈ آف ریونیو نے چائے کی پتی سپلائی اور درآمد کے لیے کم از کم پرچون قیمت مقرر کرنے کا نوٹیفکیشن جاری کردیا ہے۔ ایف بی آر نے چائے کی پتی کی درآمد و سپلائی کے لیے کم از کم قیمت 1200 روپے مقرر کردی ہے۔ چائے کی درآمد اور سپلائی پر سیلز ٹیکس اسی مقرر کردہ قیمت کے حساب سے وصول کیا جائے گا۔

مارکیٹ پر اثرات

اگر چائے ایف بی آر کی مقرر کردہ پرچون قیمت سے زائد قیمت پر درآمد یا سپلائی کی جائے گی تو اس صورت میں زائد قیمت پر سیلز ٹیکس وصول کیا جائے گا۔ چائے کی کم از کم قیمت 1200 روپے فی کلوگرام مقرر کرنے سے مارکیٹ میں چائے کی پتی مزید مہنگی ہوجائے گی۔