شوہر سے پیسے چھپانے والی خاتون کو بڑا دھچکا لگ گیا

بھارت میں شوہر سے پیسے چھپانے والی خاتون کی حیرانی

نئی دہلی(ڈیلی پاکستان آن لائن) بھارت میں شوہر سے پیسے چھپانے والی خاتون کو دھچکا لگ گیا جس کی ویڈیو سوشل میڈیا پر وائرل ہوگئی۔

یہ بھی پڑھیں: گھر کی چھت گرنے سے ایک ہی خاندان کے 5افراد جاں بحق

دیوالی کے موقع پر گھر کی صفائی

بھارت میں مذہبی تہوار دیوالی کے موقع پر لوگ گھر کی صفائی کرتے ہیں اور اس دوران انہیں کونوں میں چھپی وہ اشیاء بھی مل جاتی ہیں جو انہیں کبھی ڈھونڈنے پر بھی نہیں ملتیں۔

یہ بھی پڑھیں: گتّے کے کارخانے سے نکل کر فراٹے بھرتی گاڑیاں امرتسرمیں داخل ہو گئیں، لاہور کی ثقافتی زندگی کی جڑیں امرتسر کی تہذیبی مٹی سے پھوٹی ہیں

سوشل میڈیا پر وائرل ویڈیو

سوشل میڈیا پر ایک ویڈیو گردش کر رہی ہے جس میں دیکھا گیا کہ خاتون کو گھر کی صفائی کے دوران 500 اور 1000 روپے کے پرانے نوٹ ملے ہیں جو اب قابل استعمال نہیں ہیں۔ انسٹاگرام پر دپتی گابا نامی صارف نے ویڈیو شیئر کی جس میں خاتون کو صدمے میں دکھایا گیا ہے، خاتون نے بتایا کہ انہوں نے آٹھ سال قبل شوہر سے چھپ کر یہ پیسے بچائے تھے۔

یہ بھی پڑھیں: مسلم لیگ (ن) کی طرف سے معاہدے کی پاسداری نہیں کی گئی،راجہ پرویز اشرف بول پڑے

ویڈیو کا مشاہدہ

ویڈیو میں دیکھا جاسکتا ہے کہ خاتون تھیلی سے نوٹوں کو نکال رہی ہے جو 500 اور 1000 روپے کے ہیں۔

یہ بھی پڑھیں: چیئرمین جوائنٹ چیفس آف اسٹاف کو 9 مئی کے واقعہ کے دوران ٹیک اوور کرنے کے لیے کہا گیا: نجم سیٹھی کا دعویٰ

سوشل میڈیا پر ردعمل

خاتون کی ویڈیو سوشل میڈیا پر تیزی سے وائرل ہوگئی اور اسے اب تک لاکھوں کی تعداد میں صارفین دیکھ چکے ہیں اور اس پر دلچسپ تبصرے بھی کر رہے ہیں۔

ایک صارف نے مزاحیہ انداز میں لکھا کہ یہی وجہ ہے کہ میں پیسے کے معاملے پر بیوی پر بھروسہ نہیں کرتا۔

دوسرے صارف نے مایوسی کا اظہار کرتے ہوئے لکھا کہ کاش کہ اب نوٹوں کا تبادلہ ہوسکے، تیسرے صارف نے خاتون کو مشورہ دیا کہ یہ نوٹ آر بی آئی میں ایکسچینج ہوسکتے ہیں، ایک اور صارف نے لکھا کہ نوٹ بند ہوئے آٹھ سال ہوچکے ہیں۔

بھارتی حکومت کی کارروائی

یاد رہے کہ بھارت میں حکومت نے 8 نومبر 2016 کو 500 اور 1000 روپے کے نوٹوں کو ختم کر دیا تھا اور ان منسوخ شدہ نوٹوں کے بدلے 500 اور 2000 روپے کے نئے نوٹ جاری کرنے کا اعلان بھی کیا تھا۔