ملک میں بیرونی سرمایہ کاری کا فروغ حکومت کی اولین ترجیح ہے،وزیراعظم شہباز شریف

وزیراعظم کی معیشت پر گفتگو

اسلام آباد (ڈیلی پاکستان آن لائن) وزیراعظم شہباز شریف نے کہا ہے کہ حکومتی کوششوں سے حالیہ دنوں میں ملکی معیشت بہتری کی طرف گامزن ہوئی ہے اور اس سے سرمایہ کاروں کا اعتماد بڑھا ہے۔

یہ بھی پڑھیں: جتھوں کے ذریعے فیڈریشن پر چڑھائی کرنے سے این آر او نہیں ملتے : عظمیٰ بخاری

برطانیہ کے کاروباری وفد کی ملاقات

لاہور میں وزیراعظم شہباز شریف سے برطانیہ کے کاروباری وفد نے ملاقات کی۔ زبیر عیسیٰ کی سربراہی میں وفد میں برطانیہ کی سرکردہ کاروباری شخصیات شامل تھیں۔

یہ بھی پڑھیں: شادی کی تقریب میں لائے گئے پالتو شیر نے مہمانوں کو نوچ ڈالا

بزنس ٹو بزنس تعلقات کی بہتری

اعلامیے کے مطابق ملاقات میں پاکستان اور برطانیہ کے درمیان بزنس ٹو بزنس تعلقات کو مزید بہتر بنانے پر تبادلہ خیال کیا گیا، جبکہ وفد نے ملکی معیشت کے استحکام کے لیے وزیراعظم کی معاشی پالیسیوں کی تعریف کی۔

یہ بھی پڑھیں: نیشنل انڈر 19 ویمنز ٹی ٹوئنٹی کا فائنل کانکررز اور اسٹرائیکرز کے درمیان اتوار کو ہوگا

بیرونی سرمایہ کاری کی اہمیت

اس موقع پر وزیراعظم کا کہنا تھا کہ ملک میں بیرونی سرمایہ کاری کا فروغ حکومت کی اولین ترجیح ہے اور کاروباری برادری کو ایس آئی ایف سی کے ون ونڈو آپریشن کے ذریعے بہترین سہولتیں فراہم کی جا رہی ہیں۔

سرمایہ کاروں کا اعتماد

انہوں نے کہا کہ حکومتی کوششوں سے حالیہ دنوں میں ملکی معیشت بہتری کی طرف گامزن ہوئی ہے، اس سے سرمایہ کاروں کا اعتماد بڑھا ہے۔