کچے کے علاقے میں پہلی مرتبہ ڈرون کے ذریعے آپریشن، 9 ڈاکو ہلاک درجنوں زخمی

کراچی میں ڈرون آپریشن کا آغاز

کراچی (ڈیلی پاکستان آن لائن) سندھ کے ضلع شکارپور میں کچے کے علاقے میں پہلی مرتبہ ڈرون کے زریعے آپریشن کیا گیا ہے۔

یہ بھی پڑھیں: کراچی، ویمن پولیس سٹیشن بلا کر بیٹی سمیت برہنہ کرکے تشدد کا نشانہ بنایا گیا، خاتون کا الزام

کامیاب آپریشن کے نتائج

پولیس کے مطابق شکارپور میں کچے کے ڈاکوؤں پر ڈرون سے حملہ کارگر ثابت ہوا۔ پانچ روز کے کامیاب آپریشن میں 9 ڈاکو ہلاک اور 45 زخمی ہو چکے ہیں۔

یہ بھی پڑھیں: گینگ آف تھری کا دم چھلّہ وفاق کی جڑیں کھودنے میں مصروف ہے ، پی ٹی آئی

محفوظ راستوں کی کمی

کچے میں پولیس اور رینجرز کا ڈاکوؤں کے خلاف مشترکہ آپریشن جاری ہے۔ دریا میں پانی آجانے کے سبب کچے کے علاقوں میں بکتر بند گاڑیوں کی رسائی ممکن نہیں رہی تھی۔

یہ بھی پڑھیں: صدر اور وزیر اعظم کے طیاروں کے لیے 1.8 ارب روپے کی منظوری

ڈرون کی اہمیت

اس صورتحال کے بعد پہلی مرتبہ پولیس اور رینجرز نے ڈرون کی مدد سے کچے میں ڈاکوؤں کے ٹھکانوں تک پہنچنے میں کامیابی حاصل کی۔

یہ بھی پڑھیں: یہ کون نیند سے بیدار کر رہا ہے مجھے

ڈاکوؤں میں خوف کی علامتیں

پولیس کے مطابق پہلی بار ڈاکوؤں میں خوف دیکھنے میں آیا ہے۔ ڈاکو اب آئی پی سی اور بکتر بند سے زیادہ ڈرون سے خوفزدہ ہیں۔ مشترکہ آپریشن میں پولیس اور رینجرز نے کافی حد تک کامیابی حاصل کر لی ہے۔

آئندہ کی توقعات

چند روز قبل ڈرون شیلنگ سے بدنام ڈاکو بیلوتیغانی بھی شدید زخمی ہوا تھا۔ پولیس کے مطابق اگر آپریشن اسی طرح جاری رہا تو کچے میں ڈاکوؤں کا صفایا ہوجائے گا۔ اب کچے سے کلین سویپ کے بعد ہی باہر آئیں گے اور کچے کا علاقہ کلیئر کروالیں گے۔