14، 14 کیس ہیں، ہم پر بہت ظلم کیا جارہا ہے،40 دن کا چلہ کاٹامگرصحت اب تک ٹھیک نہیں ہوئی: شیخ رشید

شیخ رشید کی پریس کانفرنس

راولپنڈی (ڈیلی پاکستان آن لائن) سابق وفاقی وزیر اور سربراہ عوامی مسلم لیگ شیخ رشید نے کہا ہے کہ ہم پر بہت ظلم کیا جا رہا ہے۔ انسداد دہشتگردی عدالت راولپنڈی میں پیشی کے موقع پر میڈیا سے گفتگو کرتے ہوئے شیخ رشید نے کہا کہ ہم پر 14، 14 کیس ہیں، بہت ظلم کیا جا رہا ہے۔

یہ بھی پڑھیں: روس کے سٹریٹجک طیاروں کی تباہی، امریکہ کے لیے نئی پریشانی کھڑی ہوگئی

قوم کا خوف ختم

انہوں نے کہا کہ قوم سے خوف ختم ہو چکا، ہم نے 40 دن کا چلہ کاٹا، صحت اب تک ٹھیک نہیں، شکر ہے انتظار پنجوتھا واپس آ گئے، کہانی بنانے والے کو داد دیتا ہوں۔

یہ بھی پڑھیں: کراچی میں غیرملکیوں سے لوٹ مار پر وزیراعلیٰ برہم

پی آئی اے کی صورتحال

سابق وزیر کا کہنا تھا کہ پی آئی اے کو ایسے بیچ رہے ہیں جیسے باپ کا مال ہو، حکومت بیٹھ چکی ہے، پی آئی اے کی جگہ اپنے فلیٹ بیچ دیں۔

یہ بھی پڑھیں: راولپنڈی ڈویژن میں 5روزہ انسداد پولیو مہم کا افتتاح

حکومتی فیصلے اور شہری مسائل

شیخ رشید نے مزید کہا کہ سٹیٹ بینک یا ایف بی آر ثابت کرے ان (حکمرانوں) کے دوروں سے کوئی سرمایہ کاری آئی، زمین پر ٹیکس بڑھا دیے گئے، اس سے پہلے ایسا کبھی نہیں ہوا۔

امریکی صدر کے انتخابات کا اثر

ان کا کہنا تھا کہ امریکی صدر کا الیکشن پوری دنیا پر اثر ڈالتا ہے۔