کراچی: سمگل شدہ پٹرول فروخت کرنے والے صوبے میں 176 پمپس سیل کرنے کا حکم

حکومت سندھ کا سخت اقدام

کراچی (ڈیلی پاکستان آن لائن) حکومت سندھ نے صوبے میں سمگل شدہ پٹرول فروخت کرنے والے 176 پٹرول پمپس سیل کرنے کا حکم دے دیا۔

یہ بھی پڑھیں: جیل میں قیدیوں کی ملاقات میں سیاسی گفتگو پر پابندی کالعدم قرار کا فیصلہ فوری معطل کرنے کی استدعا مسترد

ایڈمنسٹریٹیو اقدامات

محکمہ داخلہ سندھ نے صوبے میں سمگل شدہ پٹرول فروخت کرنے والے پٹرول پمپس سیل کرنے کے لئے کراچی، حیدرآباد، میرپورخاص، نوابشاہ، سکھر اور لاڑکانہ کے کمشنرز کو خط لکھ دیا ہے۔

غیر معیاری پٹرول کے خلاف کارروائی

محکمہ داخلہ سندھ کے مطابق پٹرول پمپس سمگل شدہ اور غیر معیاری پٹرول فروخت کر رہے ہیں۔ ان پٹرول پمپس کو سیل کیا جائے گا اور ان کے خلاف قانونی کارروائی کی جائے گی۔ صوبہ بھر کے تمام پٹرول پمپس کو ڈیجیٹلائز کیا جائے گا تاکہ آئندہ کوئی بھی پٹرول پمپ سمگل شدہ پٹرول فروخت نہ کر سکے۔