پی آئی اے کو خریدنے کے لئے ہر حد تک جائیں گے: علی امین گنڈاپور

وزیراعلیٰ خیبرپختونخوا کا اعلان

پشاور (ڈیلی پاکستان آن لائن) وزیراعلیٰ کے پی علی امین گنڈا پور نے کہا ہے کہ پی آئی اے کو خریدنے کے لئے ہر حد تک جائیں گے، بلی تھیلے سے باہر آگئی ہے، ایئر لائن کو اونے پونے داموں شریف فیملی خود خریدنا چاہتی ہے۔

یہ بھی پڑھیں: کراچی، گلستان جوہر میں گھر کے باہر کھڑی گاڑی کا 25 ہزار کا مبینہ ای چالان موصول ہوگیا

تقریب کا انعقاد

یہ بات انہوں نے پشاور میں منعقدہ تقریب میں خطاب کے بعد میڈیا سے گفتگو میں کہی۔ قبل ازیں محکمہ ابتدائی و ثانوی تعلیم کے زیر اہتمام (Alternate Learning Pathways) اے ایل پی پروگرام کے تحت تعلیم مکمل کرنے والے طلبہ کی گریجویشن تقریب منعقد ہوئی۔ وزیر اعلیٰ نے تقریب میں بحیثیت مہمان خصوصی شرکت کی۔

یہ بھی پڑھیں: مریم نواز خود کو اور پاپا کو زبردستی ہیرو بنانے کی ناکام کوشش کر رہی ہیں: بیرسٹر سیف

شرکاء کی موجودگی

تقریب میں صوبائی کابینہ اراکین فیصل خان ترکئی، محمد سجاد، قاسم علی شاہ سمیت سرکاری حکام، شراکت دار اداروں کے نمائندے، طلبہ اور اساتذہ بھی شریک تھے۔

یہ بھی پڑھیں: وزیراعلیٰ مریم نواز سے وفاقی وزیر نیشنل فوڈ سیکیورٹی رانا تنویر حسین کی ملاقات

دہشت گردی کا ذکر

وزیراعلیٰ کے پی علی امین گنڈاپور نے دہشت گردی کے واقعات میں اضافے کی وجہ پی ڈی ایم حکومت کو قرار دیا اور کہا کہ ہمارے وقت میں امن و امان کی صورتحال بہتر تھی، اب دوبارہ سے پھیلی دہشت گردی سے ہماری فورسز مقابلہ کررہی ہیں، دہشت گردوں کے خلاف جنگ میں مقابلہ جاری رہے گا۔

یہ بھی پڑھیں: نیتن یاہو اب عالمی سطح پر ایک شکست خوردہ شخص دکھائی دیتے ہیں

ہیلی کاپٹر اور پی آئی اے کی خریداری

وزیراعلیٰ نے کہا کہ خیبرپختونخوا کے پاس دو ہیلی کاپٹرز ہیں، ہم پی آئی اے کو خریدنے کے لئے ہر حد تک جائیں گے، پی آئی اے خریدا تو نام پی آئی اے ہی رکھیں گے، بلی تھیلے سے باہر آگئی ہے، ایئر لائن کو اونے پونے داموں شریف فیملی خود خریدنا چاہتی ہے۔

یہ بھی پڑھیں: آئندہ 24 گھنٹوں میں ملک کے کن علاقوں میں آندھی اور گرج چمک کے ساتھ بارش کا امکان ہے ؟

سرپلس بجٹ کا ذکر

انہوں نے کہا کہ خیبر پختونخوا کا بجٹ سرپلس ہے، ہمارا ریونیو سو فیصد ہے 9 نومبر کو صوابی میں اکٹھے ہوں گے، جلسے میں قرارداد پاس کریں گے پھر آئندہ کا لائحہ عمل کا اعلان کریں گے اور اس بار ایک ہی دفعہ نکلیں گے۔

یہ بھی پڑھیں: علیمہ خان اور عظمیٰ خان کی بازیابی کے لیے بیلف مقرر

A.L.P پروگرام کی کامیابیاں

وزیر اعلیٰ نے اے ایل پی پروگرام کے تحت تعلیم مکمل کرنے والے طلبہ میں اسناد تقسیم کیں۔ اے ایل پی پروگرام کے پیکیج ای کے تحت 14,487 طلبہ نے تعلیم مکمل کی۔ اے ایل پی پروگرام کے تحت اب تک مجموعی طور پر 62,000 طلبہ نے تعلیم مکمل کی ہے۔

یہ بھی پڑھیں: فلسطینی نواز محمود خلیل کی ضمانت، کیا رہائی ہوگی؟

تعلیمی مواقع کی فراہمی

اے ایل پی پروگرام کا بنیادی مقصد ان بچوں اور بچیوں کو تعلیم کے مواقع فراہم کرنا ہے جو سکولوں سے باہر ہیں اور ان کی عمریں زیادہ ہونے کی وجہ سے سکولوں میں داخلہ نہیں لے سکتے۔ اس وقت اے ایل پی پروگرام کے تحت 27 اضلاع میں قائم 1,267 سینٹرز میں 42,644 طلبہ زیر تعلیم ہیں۔

یہ بھی پڑھیں: میچ کے دوران کبڈی کا کھلاڑی دل کا دورہ پڑنے سے انتقال کر گیا

تعلیم کے حوالے سے حکومتی ذمہ داریاں

وزیراعلیٰ نے تقریب سے خطاب میں کہا کہ حکومت کا فرض ہے کہ عوام کو سہولیات فراہم کرے، وہ بچے جو سکول جانے سے رہ جاتے ہیں انہیں تعلیم دینے کے لئے منصوبہ شروع کیا گیا ہے، اگر ریاست کی کوتاہی کی وجہ سے بچے تعلیم سے رہ جاتے ہیں تو ریاست کا فرض ہے انہیں تعلیم دے، تعلیم دینے کے لئے 247 مراکز قائم کئے گئے ہیں، ہمیں بلڈنگ نہیں تعلیم دینی ہے، ہسپتال نہیں علاج کرنا ہے۔

یہ بھی پڑھیں: وزیراعلیٰ پنجاب کے سیاسی سیکرٹری کی مخالفت کرنے والوں کو تنبیہ، قیمتی مشورہ بھی دیا

سکولوں کی عدم دستیابی

ان کا کہنا تھا کہ بہت سے علاقوں میں سکول نہیں ہیں لیکن ہمیں تعلیم دینی ہے، 2013 میں بننے والے سکول ابھی تک نہیں بن سکے، قبائلی اضلاع میں خصوصی توجہ دے رہے ہیں۔

بچوں کی تعلیمی صورتحال

وزیر تعلیم نے بتایا کہ 47 لاکھ سے زائد بچے سکولوں سے باہر ہیں، 14 لاکھ بچوں کو سکولوں میں لےکر آئے ہیں، 300 طلباء نے علامہ اقبال یونیورسٹی سے تعلیم حاصل کی۔ ورلڈ بینک کے تعاون سے تعلیم دینے کا منصوبہ شروع کیا گیا، قبائلی اضلاع سمیت دور دراز علاقوں کے بچوں کو تعلیم دے رہے ہیں۔