آج جمہوریت کو بادشاہت میں تبدیل کردیا گیا، چیئرمین پی ٹی آئی

چیئرمین پی ٹی آئی کا بیان

اسلام آباد (ڈیلی پاکستان آن لائن) چیئرمین پی ٹی آئی بیرسٹر گوہر کا کہنا ہے کہ آج جمہوریت کو بادشاہت میں تبدیل کیا گیا، یہ ججز کی تعداد بڑھانا نہیں بلکہ اپنی مرضی کے جج لگانا چاہتے ہیں۔

یہ بھی پڑھیں: 190 ملین پاؤنڈ ریفرنس؛ بشریٰ بی بی کی حاضری سے استثنیٰ کی درخواست منظور، سماعت 18 نومبر تک ملتوی

قوانین کی پاسداری پر تنقید

میڈیا سے گفتگو کرتے ہوئے بیرسٹر گوہر نے کہا کہ آج کے قوانین بادشاہت کی مثال ہیں۔ حکومت نے ہمیشہ کی طرح آج بھی جلدی میں قوانین پاس کروائے، اور آج تک کوئی قانون باقاعدہ ایک عمل کے ذریعے نہیں لایا گیا۔ ہر بار اجلاس دو تین گھنٹے کی تاخیر سے شروع ہوا۔ وزیر قانون کے علاوہ کسی وزیر کو نہیں پتہ کہ آج کون سے قوانین پاس ہوئے۔

عدلیہ پر حملہ

55ہزار کیسز التوا کا شکار ہیں، یہ ججز کی تعداد بڑھانا نہیں بلکہ اپنی مرضی کے جج لگانا چاہتے ہیں۔ آپ ریاست کے ایک ستون کو کمزور کر رہے ہیں، یہ عدلیہ سے مرضی کے فیصلے چاہتے ہیں۔