روزانہ ایک امرود کھانے کے حیرت انگیز فوائد جانیے

امرود کے فوائد

واشنگٹن (ڈیلی پاکستان آن لائن) امرود کا ذائقہ کس فرد کو پسند نہیں ہوگا؟ چاٹ کی شکل میں کھائیں یا ویسے ہی اسے چبائیں، امرود ہر فرد کو ہی پسند آتا ہے۔

اس کی مہک ہی کھانے کی خواہش بڑھا دیتی ہے اور ناشپاتی کی شکل کا یہ پھل صحت کے لیے بھی بہت زیادہ فائدہ مند ہے۔

اس میں متعدد غذائی اجزا موجود ہوتے ہیں جن میں وٹامن سی نمایاں ہے، مگر اس کے ساتھ ساتھ متعدد اینٹی آکسائیڈنٹس بھی اس پھل کا حصہ ہوتے ہیں۔
روزانہ ایک امرود کھانے کے چند فوائد درج ذیل ہیں۔

یہ بھی پڑھیں: اپنے آپ سے ایماندارانہ رویہ اختیار کرنا آسان نہیں، اکثر خواتین معاشرے کی جانب سے ملنے والے پیغامات اپنا لیتی ہیں اور ویسا ہی طرز عمل اپنا لیتی ہیں

قبض سے تحفظ

امرود کا ایک خاص جز فائبر ہے جو نظام ہاضمہ کے لیے بہت اہم ہوتا ہے۔

ایک امرود سے دن بھر کے لیے درکار فائبر کی 12 فیصد مقدار حاصل ہوتی ہے جبکہ اس کے بیج جلاب جیسا اثر کرتے ہیں جس سے قبض سے نجات یا اس کی روک تھام میں مدد ملتی ہے۔

یہ بھی پڑھیں: ایئر انڈیا حادثہ: جہاز کی دیکھ بھال کی ذمہ داری ترک کمپنی کے سپرد ہونے کا بھارتی دعویٰ جھوٹا نکلا

مدافعتی نظام مضبوط بنائے

امرود میں وٹامن سی کی مقدار کافی زیادہ ہوتی ہے اور یہ وٹامن مدافعتی نظام کے لیے بہت اہم ہوتا ہے۔

تحقیقی رپورٹس سے ثابت ہوا ہے کہ وٹامن سی سے موسمی بیماریوں سے بچنے یا ان کا دورانیہ کم کرنے میں مدد ملتی ہے۔

یہ بھی پڑھیں: سیلابی صورتحال سے کاروباری سرگرمیاں اور رئیل اسٹیٹ سیکٹر شدید متاثر، ٹیکس ریونیو پر منفی اثرات کا خدشہ

ذیابیطس کے مریضوں کے لیے مفید

فائبر سے بھرپور ہونے کی وجہ سے یہ پھل ذیابیطس کے مریضوں کے لیے نقصان دہ نہیں ہوتا کیونکہ اس کے کھانے سے بلڈ شوگر کی سطح میں تیزی سے اضافہ نہیں ہوتا۔
اسی طرح اس میں موجود فائبر بلڈ شوگر کو کنٹرول کرنے میں مددگار ثابت ہوسکتا ہے، البتہ بہت زیادہ کھانے سے گریز کرنا چاہیے۔

یہ بھی پڑھیں: کسانوں کے لیے جامع ریلیف پیکیج تیار کیا گیا ہے، 1500 روپے فی ایکڑ ریلیف دینے کا فیصلہ ہوا ہے، مصدق ملک

دل کو صحت مند بنائے

امرود سے جسم میں سوڈیم اور پوٹاشیم کا توازن بہتر ہوتا ہے جس سے بلڈ پریشر کو کنٹرول کرنا آسان ہوجاتا ہے۔

اسی طرح یہ پھل خون میں چکنائی یا کولیسٹرول کی سطح بھی کم کرنے میں مددگار ثابت ہوسکتا ہے جس سے امراض قلب سے تحفظ ملتا ہے۔

یہ بھی پڑھیں: پاکستان کے ساتھ تنازعے کی صورت میں آپ کا ساتھ نہیں دیں گے، اپنے قومی مفاد میں فیصلہ کریں گے، امریکہ نے بھارت کو پیغام دے دیا

بینائی کے لیے بھی فائدہ مند

اس پھل میں وٹامن اے بھی موجود ہوتا ہے جو بینائی کے لیے اہم ہوتا ہے۔

وٹامن اے سے عمر بڑھنے کے ساتھ بینائی میں آنے والی تنزلی کا خطرہ کم ہوتا ہے جبکہ دیگر امراض سے بھی تحفظ ملتا ہے۔

یہ بھی پڑھیں: شکریہ ادا کرتے ہوئے وہ پیچھے ہٹا، وہاں جو قیامت بپا ہوئی وہ دیکھنے کے قابل تھی

جسمانی توانائی میں اضافہ اور تناؤ دور کرے

امرود میں موجود میگنیشم سے مسلز اور اعصاب کو سکون پہنچتا ہے جس سے دن بھر کی مصروفیات کے بعد سکون کا احساس ہوتا ہے، تناؤ کم ہوتا ہے جبکہ جسمانی توانائی بڑھتی ہے۔

یہ بھی پڑھیں: اچھا ڈرامہ لگا ہوا ہے،،علیمہ خان پر انڈہ پھینکنے کے واقعے پر بشریٰ بی بی کی بہن مریم وٹو کا ردِعمل

جسمانی وزن میں کمی

امرود کھانے کی عادت سے میٹابولزم کو بہتر بنانے میں مدد مل سکتی ہے۔

اس پھل کو کھانے سے پیٹ بھرنے کا احساس دیر تک برقرار رہتا ہے جس سے بے وقت کھانے کی عادت سے نجات ممکن ہوتی ہے، جس سے بھی جسمانی وزن میں کمی لانا کچھ آسان ہوجاتا ہے۔

یہ بھی پڑھیں: بانی پی ٹی آئی کے بیٹوں کی کوئی ویزا درخواست زیر غور نہیں، وزارت داخلہ

بڑھتی عمر کے اثرات کی روک تھام

امردو میں وٹامن اے، وٹامن سی اور اینٹی آکسائیڈنٹس جیسے کیروٹین وغیرہ کی موجودگی سے جلد کو جھریوں سے پاک رکھنے میں مدد مل سکتی ہے۔

یہ بھی پڑھیں: بہاولپور، نوجوان لڑکی کی تشدد زدہ جلی ہوئی جھاڑیوں سے برآمد، مقدمہ درج

حاملہ خواتین کے لیے مفید

امرود فولیٹ کے حصول کا اچھا ذریعہ ہے جس سے بچے میں پیدائش نقص کا خطرہ کم ہوتا ہے، جبکہ اس میں موجود فولک ایسڈ بچے کے اعصابی نظام کی نشوونما کے لیے مددگار ثابت ہوتا ہے۔

یہ بھی پڑھیں: مون سون بارشوں کا 9 واں سپیل شروع ہو چکا، پنجاب کے بیشتر اضلاع میں طوفانی بارشوں کی پیشگوئی

دماغی افعال کو متحرک کرے

امرود میں وٹامن بی 3 اور بی 6 موجود ہوتے ہیں جو ذہنی صحت کے لیے فائدہ مند وٹامنز ہیں۔

وٹامن بی 6 سے دماغی تنزلی اور ڈپریشن کا خطرہ کم ہوتا ہے۔

یہ بھی پڑھیں: اگر سمندر کو پانی نہ ملا تو ماحولیاتی نظام رک جائے گا، جام خان شورو

جِلد کو جھریوں سے بچائے

امرود وٹامن اے، وٹامن سی اور اینٹی آکسائیڈنٹس جیسے کیروٹین سے بھرپور پھل ہے جس سے جِلد کو جھریوں سے تحفظ ملتا ہے۔

یہی وجہ ہے کہ روزانہ ایک امرود کھانے سے جِلد کو طویل عرصے تک جوان رکھنے میں مدد مل سکتی ہے۔

نوٹ

یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔