اساتذہ سراپا احتجاج، خیبرپختونخوا کے پرائمری سکول بند کردیئے گئے

پشاور میں پرائمری اساتذہ کا احتجاج

پشاور (ڈیلی پاکستان آن لائن) خیبرپختونخوا کے پرائمری اساتذہ نے سکول بند کردیئے۔ آل پرائمری ٹیچرز ایسوسی ایشن نے بھرپور احتجاج اور دھرنے کا اعلان کردیا۔

یہ بھی پڑھیں: بینکوں اور ایکسچینج کمپنیوں کو سرکاری ذرائع سے ترسیلات زر لانے پر انعامی رقم میں کمی کا فیصلہ

احتجاج کا آغاز

نجی ٹی وی چینل آج نیوز کے مطابق، آل پرائمری ٹیچرز ایسوسی ایشن ایپٹا کے صدر عزیز اللہ کا کہنا ہے کہ آج سے صوبے بھر کے پرائمری سکولوں میں تدریسی عمل بند کر دیا گیا ہے۔ صوبے بھر سے پرائمری اساتذہ 11 بجے کے بعد جناح پارک پہنچیں گے۔

یہ بھی پڑھیں: بھارت کی ‘سیلیکون ویلی’ زیرِ آب، شدید بارشوں نے بنگلورو کا نظامِ زندگی درہم برہم کردیا

تعلیمی سرگرمیوں کی روک تھام

صدر عزیز اللہ نے مزید کہا کہ صوبے میں اس وقت 26 ہزار سے زائد پرائمری سکولوں میں تعلیمی سرگرمیاں بند ہیں۔ ایک لاکھ سے زائد پرائمری اساتذہ احتجاج کیلئے پشاور پہنچیں گے۔

حکومت کی جانب سے عدم عمل درآمد

صدر ایپٹا نے مزید کہا کہ صوبائی حکومت نے کابینہ سے منظور شدہ اپ گریڈیشن کے فیصلے پر عمل نہیں کیا۔ تحریری اعلامیہ ملنے اور مطالبات کی منظوری تک احتجاج جاری رہے گا۔