توشہ خانہ ٹو کیس، بشریٰ بی بی کی حاضری سے استثنیٰ کی درخواست منظور

تو تھا خانہ ٹو کیس کی سماعت

اسلام آباد(ڈیلی پاکستان آن لائن) اسلام آباد کی ڈسٹرکٹ اینڈ سیشن کورٹ نے توشہ خانہ ٹو کیس میں سابق وزیراعظم عمران خان کی اہلیہ بشریٰ بی بی کی حاضری سے استثنیٰ کی درخواست منظور کر لی۔

یہ بھی پڑھیں: ایران میں اہداف حاصل ہونے تک حملے نہیں رکیں گے: اسرائیلی وزیراعظم نیتن یاہو

عدالت کی کارروائی

اسپیشل جج سینٹرل شاہ رخ ارجمند نے راولپنڈی اڈیالہ جیل میں توشہ خانہ ٹو کیس کی سماعت کی۔ عدالت نے بشریٰ بی بی کی حاضری سے استثنیٰ کی درخواست منظور کرتے ہوئے آئندہ سماعت پر حاضری یقینی بنانے کی ہدایت کی۔

یہ بھی پڑھیں: الزامات غیر ذمہ دارانہ، خطے میں دہشتگردی کے فروغ میں بھارت کا کردار واضح ہے: دفتر خارجہ

وکیل کی درخواست

وکیل صفائی سلمان صفدر نے مؤقف اپنایا کہ بانی پی ٹی آئی عمران خان اور بشریٰ بی بی کی بریت درخواستوں میں کچھ دستاویزات جمع کروانا چاہتے ہیں، اس لئے وقت دیا جائے۔

یہ بھی پڑھیں: ملائیشیا کے وزیراعظم انور ابراہیم نے ہسپتال میں گلبدین حکمت یار کی عیادت کے بعد ’’ایکس‘‘ پر پیغام تصویر کیساتھ شیئر کر دیا۔

پراسیکیوشن کا مؤقف

پراسیکیوٹر نے مخالفت کرتے ہوئے مؤقف اپنایا کہ بریت درخواستیں تاخیری حربے ہیں، عدالت فرد جرم عائد کرنے کے لیے 3 تاریخیں دے چکی ہیں مگر فرد جرم عائد نہیں ہونے دی جارہی، فرد جرم عائد کرنے کی کارروائی کی جائے۔

آئندہ سماعت

بعد ازاں عدالت نے آئندہ سماعت پر دلائل مکمل کرنے کی ہدایت کرتے ہوئے سماعت 8 نومبر تک ملتوی کردی۔