مولانا فضل الرحمان نے حکومت سے عمران خان کی فوری رہائی کا مطالبہ کیا ہے، ترجمان جے یو آئی

حکومتی کارروائیوں کی مذمت

اسلام آباد (ڈیلی پاکستان آن لائن) جمعیت علمائے اسلام (ف) کے ترجمان اسلم غوری نے کہا ہے کہ مولانا فضل الرحمان نے حکومت سے عمران خان کی فوری رہائی کا مطالبہ کیا ہے۔

یہ بھی پڑھیں: سندھ میں شناختی کارڈ کی بنیاد پر گاڑیوں کی نمبر پلیٹس سے متعلق پراونشل موٹر وہیکل ترمیمی ایکٹ 2024 نافذ

پی ٹی آئی کے بانی کے حقوق

میڈیا سے گفتگو کرتے ہوئے اسلم غوری کا کہنا تھا کہ بانی پی ٹی آئی کو سہولیات سے محروم رکھنے کی بھی مذمت کی ہے۔

یہ بھی پڑھیں: جنگ ختم کرنے کے حوالے سے اہم بیان آ گیا

حکومت کی ناقص حکمت عملی

انہوں نے کہا کہ حکومت نے کل شب خون مارا ہے، یہ کسی اور کو نہیں بلکہ اپنے آپ کو توسیع دینے کی کوشش کر رہی ہے۔ ہم اپوزیشن کی دوسری سیاسی جماعتوں کے ساتھ ملकर پارلیمنٹ اور اس کے باہر جدوجہد کریں گے۔

یہ بھی پڑھیں: اس سے بڑی کوئی حماقت نہیں ہوگی کہ افغان طالبان پر اب اعتبار کیا جائے:خواجہ آصف

جمہوری اقدار کی پامالی

اسلم غوری نے مزید کہا کہ پیپلز پارٹی اور مسلم لیگ ن کا جو رویہ سامنے آیا ہے، وہ کسی صورت جمہوری نہیں ہے۔ جعلی مینڈیٹ والی اسمبلی کی قانون سازی کو ہم مسترد کرتے ہیں۔

فوجی عدالتوں اور قانون سازی

انہوں نے کہا کہ ہم نے فوجی عدالتوں سمیت کئی چیزیں اصل مسودے سے نکلوائیں ہیں۔ کچھ شقوں کا آج حکومت نے استعمال کیا ہے۔ اگر بانی پی ٹی آئی کی میرٹ پر رہائی بنتی ہے تو ضرور ملنی چاہیے، مقدمات پر مقدمات نہیں بننے چاہئیں۔