پی ٹی آئی ٹرمپ سے امیدیں لگائے بیٹھی ہے،میرا ووٹ ہوتا توکملا ہیرس کوووٹ دیتی،عظمیٰ بخاری

وزیر اطلاعات ونشریات پنجاب کی گفتگو

لاہور (ڈیلی پاکستان آن لائن) وزیر اطلاعات ونشریات پنجاب عظمیٰ بخاری نے کہا ہے کہ پی ٹی آئی والے اب ڈونلڈ ٹرمپ سے امید لگائے بیٹھے ہیں۔

کملا ہیریس کا ذکر

نجی ٹی وی کے پروگرام میں گفتگو کرتے ہوئے عظمیٰ بخاری کا کہنا تھا کہ اگر میرا ووٹ ہوتا تو کملا ہیریس کو ووٹ دیتی، کملا ہیریس کبھی ٹرمپ کی طرح ہارڈ لائن نہیں بولتی۔

تحریک انصاف پر تنقید

انہوں نے تحریک انصاف پر تنقید کے نشتر چلاتے ہوئے کہا کہ پی ٹی آئی کی عقل کا اندازہ لگائیں، وہ ڈونلڈ ٹرمپ سے امید لگائے بیٹھے ہیں۔ بانی پی ٹی آئی نے خیبرپختونخوا میں دہشت گردوں کو لاکر بسایا، آج اس غلطی کا خمیازہ پوری قوم کو بھگتنا پڑرہا ہے۔

آئینی بینچ کا معاملہ

آئینی بینچ کے سوال پر عظمیٰ بخاری کا کہنا تھا کہ جوڈیشل کمیشن کے پاس آئینی بینچ کا اختیار ہے، کیا سینئرز کو زیادہ آئین کا پتہ ہوتا ہے؟ ایسا نہیں ہے کہ جو سینئر ہوں، صرف وہی عقل کل ہیں۔

ججز کی احترام

وزیر اطلاعات ونشریات کا مزید کہنا تھا کہ تمام ججز قابل احترام ہیں، اچھا آئینی بینچ بنا ہے جو آئین کو ری رائٹ نہیں کرے گا۔