مولانا بھاشانی نے ڈھاکہ میں پریس کانفرنس میں انکشاف کیا کہ مجیب الرحمٰن بنگلہ دیش بنانا چاہتا ہے اور سی آئی اے اُس کی مدد کر رہی ہے.

مصنف کی تفصیلات

جسٹس (ر) بشیر اے مجاہد

یہ بھی پڑھیں: پہلگام واقعے کے حملہ آوروں کو پناہ دینے کے الزام میں 2 افراد گرفتار

قسط: 75

یہ بھی پڑھیں: نشان حیدر سوار محمد حسین کا 54واں یومِ شہادت آج منایا جا رہا ہے

مشرقی پاکستان اور مولانا بھاشانی

اس کے بعد مشرقی پاکستان کے ایک اور نمایاں اور بزرگ سیاست دان مولانا بھاشانی نے ڈھاکہ میں پریس کانفرنس کرتے ہوئے انکشاف کیا کہ مجیب الرحمٰن بنگلہ دیش بنانا چاہتا ہے اور اس سلسلہ میں سی آئی اے اُس کی مدد کر رہی ہے۔ مولانا عبدالحمید خان بھاشانی نے ڈھاکہ میں اس منصوبہ کا نہ صرف انکشاف کیا بلکہ بہت سی دستاویزات بھی پریس میں تقسیم کیں۔

یہ بھی پڑھیں: شہباز شریف اور مریم نواز کے ساتھ چلنے کا ارادہ، بانی جیل نہیں کاٹ سکتے تو کوئی آسان کام کر لیں: آصف زرداری

حکومتی اقدامات

حکومت نے اگرتلہ سازش کیس کے تحت شیخ مجیب الرحمٰن کو گرفتار کر لیا۔ اس پر عوامی لیگ کے مرکزی صدر نوابزادہ نصر اللہ خان نے اُنہیں عوامی لیگ سے نکال دیا۔ شیخ مجیب الرحمٰن نے جیل سے ہی اپنی عوامی لیگ بنانے اور اس کا خود سربراہ ہونے کا دعویٰ کر دیا۔

یہ بھی پڑھیں: ترقی پذیر ممالک کے لیے ٹیکنالوجی کوئی عیاشی نہیں بلکہ بقا کی شرط ہے: بلال بن ثاقب

گول میز کانفرنس

اگرتلہ سازش کیس کی سماعت کے لئے ایک ٹربیونل بنایا گیا جس کے سربراہ مسٹر جسٹس ایس اے رحمان تھے۔ فیلڈ مارشل ایوب خان کے آخری زمانہ میں اپوزیشن پارٹیوں کے مشترکہ مطالبہ پر جس میں ایئرمارشل اصغر خان بہت نمایاں تھے گول میز کانفرنس ہوئی جس میں شیخ مجیب الرحمٰن کو بھی بلایا گیا۔ شیخ مجیب الرحمن نے چھ نکات کا اعلان کیا اور مذاکرات میں ایسا رویہ اختیار کیا کہ گول میز کانفرنس ناکام ہو گئی۔

یہ بھی پڑھیں: ای ڈی سی آر سے میرا کوئی تعلق نہیں، اگر اس کے خلاف شکایت درست ہوئی تو سزا ہوگی: خواجہ آصف

ایوب خان کا موقف

ایوب خان پاکستانی سیاست دانوں کے رویہ سے شاکی تھے کہ یہ سب لوگ ایک ایسے سیاست دان کی حوصلہ افزائی کر رہے ہیں جو پاکستان کو توڑنا چاہتا ہے۔ انہوں نے کانفرنس کی ناکامی کا یہ کہہ کر اعلان کیا کہ میں پاکستان کو توڑنے میں کسی بھی طور شریک نہیں ہو سکتا…… اور کچھ دنوں کے بعد وہ جنرل یحییٰ خان کو اپنا جانشین بنا کر مستعفی ہو گئے۔

یہ بھی پڑھیں: سماجی مسائل اور پڑھائی میں عدم دلچسپی، سال 2023 اور 2024 آؤٹ آف سکولز بچوں کے لیے بھاری رہا

انتخابات اور حتمی نتائج

مغربی پاکستان میں نئی سیاسی پارٹی پاکستان پیپلز پارٹی اور ذوالفقار علی بھٹو مقبول ترین لیڈر تھے جبکہ مشرقی پاکستان میں شیخ مجیب الرحمٰن مقبول ترین لیڈر اور عوامی لیگ سب سے بڑی جماعت تھی۔ مغربی پاکستان میں عوامی لیگ کے برائے نام عہدیداران موجود تھے مگر اُن کی کوئی عوامی حیثیت نہیں تھی۔

یہ بھی پڑھیں: مثبت اشارہ۔۔۔چینی شپنگ کمپنی نے خلیجی ممالک سے شپمنٹس کی بکنگ دوبارہ شروع کر دی

صوبائی نتائج

اس طرح مشرقی پاکستان میں پیپلز پارٹی اور مسلم لیگ کے عہدیداران موجود تھے مگر حیثیت صفر تھی۔ انتخابات ہوئے مشرقی پاکستان میں صرف 2 نشستوں سے جناب نورالامین اور راجہ تری دیورائے کامیاب ہوئے۔ باقی نشستیں شیخ مجیب الرحمٰن کی عوامی لیگ کے پاس تھیں۔ مغربی پاکستان میں پنجاب اور سندھ میں پیپلز پارٹی بھاری اکثریت سے جبکہ صوبہ سرحد یعنی خیبرپختونخوا میں مناسب تعداد میں کامیاب ہوئی۔ بلوچستان سے بھی بھٹو صاحب کو ایک آدھ نشست مل گئی تھی۔

یہ بھی پڑھیں: سعودی ولی عہد محمد بن سلمان 22 ستمبر کو فلسطینی ریاست پر خوشخبری دیں گے، مولانا طاہر اشرفی کا دعویٰ

سیاسی جماعتوں کی حیثیت

پاکستان کے کل 5 انتخابی یونٹ تھے۔ عوامی لیگ صرف ایک یونٹ میں بھاری اکثریت رکھتی تھی جبکہ پیپلز پارٹی تین انتخابی یونٹس میں۔ ذوالفقار علی بھٹو کا مؤقف تھا کہ وہ شیخ مجیب الرحمٰن کے ساتھ مل کر مخلوط حکومت بنانا چاہتے ہیں جبکہ مغربی پاکستان کے بہت سے سیاست دان اس کوشش میں مصروف تھے کہ شیخ مجیب اور بھٹو کے درمیان زیادہ گہرے اختلافات پیدا کئے جائیں تاکہ یہ دونوں باہم مل کر حکومت نہ بنا سکیں۔

یہ بھی پڑھیں: پی ٹی آئی نے عمران خان کے طبی معائنے کے لیے ایک بار پھر نئی درخواست دائر کردی

کیا وفاقی حکومت کا موقع ملا؟

بعض سیاست دان تو آج تک یہ کہتے ہیں کہ شیخ مجیب الرحمٰن کو وفاقی حکومت دے دی جاتی تو پاکستان ایک رہتا اور جمہوریت مضبوط ہوتی۔ کیا یہ سچ ہے……؟ (جاری ہے)

نوٹ

یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔