امریکی صدارتی انتخابات، ٹرمپ نے 232 اور کملا ہیرس نے 198 الیکٹورل ووٹ لے لئے

امریکی صدر کے انتخاب کیلئے ووٹنگ کا عمل

واشنگٹن (ڈیلی پاکستان آن لائن) امریکی صدر کے انتخاب کیلئے متعدد ریاستوں میں پولنگ کا وقت ختم ہونے کے بعد ووٹوں کی گنتی اور نتائج آنے کا سلسلہ جاری ہے جب کہ بعض ریاستوں میں ابھی بھی ووٹ ڈالے جا رہے ہیں۔

یہ بھی پڑھیں: پشاور ہائیکورٹ کا آئینی ترامیم کیخلاف درخواستوں پر لارجر بینچ تشکیل دینے کا عندیہ

پانسہ پلٹنے والی ریاستیں

پانسہ پلٹنے والی ریاستوں میں شمالی کیرولائنا، ویسٹ ورجینیا، اوہائیو، الینوائے، میری لینڈ اور پینسلوینیا شامل ہیں جہاں پولنگ کا وقت ختم ہونے کے بعد ووٹوں کی گنتی جاری ہے۔ امریکی صدارتی انتخاب میں 538 میں سے اب تک ڈونلڈ ٹرمپ نے 232 اور کملا ہیرس نے 198 الیکٹورل ووٹ حاصل کر لئے ہیں۔

یہ بھی پڑھیں: 150 سال پہلے تعمیر کردہ بنگلہ جو شاہ رُخ خان کی کئی خواہشات کی تعبیر بنا۔

ایوان نمائندگان اور سینیٹ کے نتائج

اب تک کے نتائج کے مطابق ایوان نمائندگان میں ری پبلکن 166 اور ڈیموکریٹس 117 نشستوں پر کامیاب ہو چکے ہیں۔ سینیٹ میں ری پبلکن کی 48 اور ڈیموکریٹس کی 42 نشستیں ہو گئی ہیں۔

یہ بھی پڑھیں: اعظم سواتی کی 8 مقدمات میں ضمانت بعد از گرفتاری منظور

پولنگ کے اوقات

امریکا میں پولنگ مکمل ہونے کے اوقات مختلف ریاستوں میں الگ الگ ہیں، 6 مختلف ٹائم زون کے باعث مختلف امریکی ریاستوں میں پولنگ کا اختتام مختلف وقت پر ہو گا۔

یہ بھی پڑھیں: حکومت کا توانائی شعبے کی اصلاحات کیلئے بڑا اقدام، بجلی کی پیداوار اور خرید کیلئے انڈپینڈنٹ مارکیٹ بنانے کی منظوری

ووٹوں کی تعداد اور ضروریات

امریکا کی دیگر ریاستوں میں صدارتی انتخابات کے لیے ووٹنگ کا عمل جاری ہے، جس میں ری پبلکن امیدوار ڈونلڈ ٹرمپ اور ڈیموکریٹک امیدوار کملا ہیرس کے درمیان کانٹے کا مقابلہ متوقع ہے۔ امریکی میڈیا کے مطابق 7 کروڑ 89 لاکھ افراد پہلے ہی ووٹ کاسٹ کر چکے ہیں اور کسی بھی امیدوار کو جیت کے لیے 538 میں سے کم از کم 270 الیکٹورل ووٹ درکار ہوں گے۔

یہ بھی پڑھیں: خوش اور مطمئن رہنے کا فیصلہ کر لیا ہے تو آپ سے بڑھ کر کوئی ذہین نہیں، احساس کمتری میں مبتلا ہیں تو آپ دوسروں کیساتھ اپنا تقابل کرتے ہیں

ایوان نمائندگان اور سینیٹ کی نشستیں

آج ہونے والے انتخابات میں ووٹرز ایوان نمائندگان کے 435 ارکان کو منتخب کریں گے، اور ایوان نمائندگان پر کنٹرول کے لیے 218 سیٹیں درکار ہیں۔ امریکی سینیٹ کے 100 میں سے 34 ارکان کا انتخاب بھی آج ہوگا، اس وقت سینیٹ میں ری پبلکن ارکان 38، ڈیموکریٹس 28 ہیں جب کہ 11 ریاستوں میں گورنرز کا انتخاب بھی ہوگا۔

یہ بھی پڑھیں: مرد کے دوسرے، تیسرے یا چوتھے نکاح پر شریعت میں کوئی قدغن نہیں،اسلامی نظریاتی کونسل

اہم ریاستوں کا کردار

آج ہونے والے امریکی صدارتی انتخابات میں 7 ریاستوں کو غیر معمولی اہمیت حاصل ہے اور یہ نئے امریکی صدر کے انتخاب میں اہم ہوں گی۔ اہم ریاستوں میں ایریزونا، جارجیا، مشی گن، نیواڈا، شمالی کیرولائنا، پینسلوینیا اور وسکونسن شامل ہیں۔

پولنگ کے اختتام کے اوقات

امریکا میں 47 ویں صدر کے انتخاب کے لیے جاری پولنگ کا عمل پاکستانی وقت کے مطابق صبح 4 بجے انڈیانا اور کینٹکی میں ختم ہوا جبکہ ریاست ہوائی، الاسکا اور کئی مغربی ریاستوں میں پولنگ پاکستانی وقت کے مطابق صبح 5 بجے ختم ہوگی۔ اس کے علاوہ جارجیا اور شمالی کیرولائنا میں پولنگ پاکستانی وقت کے مطابق صبح 6 سے 7 بجے کے درمیان ختم ہو گا۔

مشی گن، پنسلوینیا اور وسکونسن میں ووٹنگ پاکستانی وقت کے مطابق صبح 7 سے 8 بجے کے درمیان پولنگ ختم ہوگی جبکہ آخری بار الاسکا میں پاکستانی وقت کے مطابق صبح 11 بجے پولنگ کا وقت ختم ہوگا۔