بابا گرو نانک کے 555ویں جنم دن کے سیکیورٹی انتظامات، صوبائی وزیر اقلیتی امور سردار رمیش سنگھ اور سیکرٹری داخلہ ننکانہ صاحب پہنچ گئے

بابا گرو نانک دیو جی کا 555واں جنم دن

لاہور (ڈیلی پاکستان آن لائن) بابا گرو نانک دیو جی کے 555ویں جنم دن کے سیکیورٹی و دیگر انتظامات کا جائزہ لینے کیلئے صوبائی وزیر اقلیتی امور سردار رمیش سنگھ اروڑہ اور سیکرٹری داخلہ پنجاب نور الامین مینگل نے ننکانہ صاحب کا دورہ کیا۔

یہ بھی پڑھیں: ملتان ٹیسٹ: دوسرے روز کا اختتام، انگلینڈ کا پاکستان کے 556 رنز کے جواب میں 96 رنز بنانا

ترتیبات کا معائنہ

صوبائی وزیر اقلیتی امور نے سیکرٹری داخلہ پنجاب کے ہمراہ گردوارہ جنم استھان میں سکھ یاتریوں کیلئے انتظامات کا تفصیلی جائزہ لیا۔ انہوں نے شہر اور گردوارہ کے داخلی خارجی راستوں اور اہم مقامات پر جا کر ہدایات دیں۔

یہ بھی پڑھیں: آئینی ترمیم کا معاملہ ،سینیٹ کے اجلاس کا وقت تبدیل کر دیا گیا

انتظامات کی بریفنگ

ڈی سی آفس کنٹرول روم میں ڈپٹی کمشنر تسلیم اختر راؤ اور ڈی پی او سید ندیم عباس نے انتظامات کے بارے میں بریفنگ دی۔

سیکیورٹی انتظامات

بابا گرو نانک کے 555ویں جنم دن کے انتظامات اور سیکیورٹی کیلئے 3200 سیکیورٹی اہلکار اور 1800 سول انتظامیہ کے افسران و عملہ تعینات کیا گیا ہے۔ کمشنر لاہور زید بن مقصود، آر پی او شیخوپورہ اطہر اسماعیل، ڈی سی تسلیم اختر راؤ، ڈی پی او سید ندیم عباس اور سکیورٹی اداروں کے نمائندگان بھی اس موقع پر ہمراہ تھے۔