وزیراعظم کا دورہ گلگت بلتستان، گارڈ آف آنر پیش، یادگار شہداءپر حاضری

وزیر اعظم شہباز شریف کا گلگت بلتستان دورہ

گلگت بلتستان (ڈیلی پاکستان آن لائن) - وزیر اعظم شہباز شریف نے کہا ہے کہ گلگت بلتستان کے عوام کی ترقی و خوشحالی اور فلاح و بہبود کے لئے وفاقی حکومت سرگرم عمل ہے۔

یہ بھی پڑھیں: لاپتہ افراد کا مسئلہ ہمیشہ کے لئے ختم کریں گے، ہمارا منشور دہشت گردی کو روکنا ہے، وزیراعلیٰ بلوچستان سرفراز بگٹی

روایتی استقبال

گلگت بلتستان کے ایک روزہ دورے کے دوران، سیکرٹریٹ پہنچنے پر وزیر اعظم کو روایتی لباس میں ملبوس بچوں نے پھول پیش کیے۔ چیف منسٹر سیکرٹریٹ میں ان کے اعزاز میں گارڈ آف آنر بھی پیش کیا گیا۔ وزیر اعظم نے چیف منسٹر سیکرٹریٹ میں یادگار شہداء پر حاضری دی اور پھولوں کی چادر چڑھائی۔

یہ بھی پڑھیں: راکھی دودھ کی دھلی نہیں: متھیرا بھارتی اداکارہ پر سیخ پا

امن کے قیام کی کوششیں

اس موقع پر وزیر اعظم نے کہا کہ خطے میں امن کے قیام اور لوگوں کے جان و مال کی حفاظت کے لئے گلگت بلتستان سکاوٹس کے نوجوانوں کی قربانیاں ناقابل فراموش ہیں۔

یہ بھی پڑھیں: چین نے دنیا کا سب سے بڑا الیکٹرک دریائی کارگو جہاز لانچ کردیا

اہم ملاقاتیں

ادھر، وزیر اعظم کی گورنر گلگت بلتستان سید مہدی شاہ اور وزیر اعلیٰ گلگت بلتستان گلبر خان سے علیحدہ علیحدہ ملاقات ہوئی، جس میں گلگت بلتستان کے امور کے حوالے سے گفتگو کی گئی۔

یہ بھی پڑھیں: سندھ میں پولیو کے مزید 2 کیسز رپورٹ، رواں سال تعداد 12 ہوگئی

معاشی استحکام پر خراج تحسین

گورنر اور وزیر اعلیٰ گلگت بلتستان نے وزیر اعظم کو ملک میں حالیہ معاشی استحکام پر خراج تحسین پیش کیا۔ دونوں رہنماو¿ں نے گلگت بلتستان میں متعدد ترقیاتی منصوبوں کے سنگ بنیاد و افتتاح کے لئے وزیر اعظم کا شکریہ ادا کیا۔

تحفے کے طور پر روایتی چغہ

وزیر اعلیٰ گلگت بلتستان گلبر خان نے وزیر اعظم شہباز شریف کو روایتی چغہ اور ٹوپی کا تحفہ پیش کیا۔