سفر دوبارہ وہیں سے شروع ہوگا جہاں سے رجیم چینج آئی تھی، علی محمد خان کی میڈیا سے گفتگو

علی محمد خان کا بیان

راولپنڈی(ڈیلی پاکستان آن لائن) پاکستان تحریک انصاف (پی ٹی آئی) کے رہنما علی محمد خان نے کہا ہے کہ بانی پی ٹی آئی دوبارہ آئے گا، سفر دوبارہ وہیں سے شروع ہوگا جہاں سے رجیم چینج آئی تھی۔ راولپنڈی کی اڈیالہ جیل کے باہر میڈیا سے گفتگو کرتے ہوئے علی محمد خان کا کہنا تھا کہ 2 ماہ بعد بانی پی ٹی آئی سے ملاقات ہوئی۔

یہ بھی پڑھیں: پاکستانیوں کی جانب سے سالانہ 1 ارب ڈالر کی آن لائن خریداری کا انکشاف

قوم کے ہیروز کے ساتھ سلوک

انہوں نے سوال کیا کہ کیا قومیں اپنے ہیروز کے ساتھ یہ سلوک کرتی ہیں؟ قوم کے لیڈر نے ہمیشہ کہا کہ ملک میرا، فوج بھی میری اور ادارے بھی میرے ہیں۔ ان کا کہنا تھا کہ کیا خاتون وزیراعلیٰ کے ہوتے ہوئے جو ہماری خواتین کے ساتھ ہو رہا ہے وہ ٹھیک ہے؟ اگر آپ یہ نہیں کر رہے کوئی اور کر رہا ہے تو آپ کرسی چھوڑ دیں۔

یہ بھی پڑھیں: سیکیورٹی فورسز کے خیبر پختونخوا اور بلوچستان میں انٹیلی جنس بیسڈ آپریشنز، 9دسمبر سے اب تک 43 دہشتگرد جہنم واصل

مشکلات اور امید

علی محمد خان کا کہنا تھا کہ بانی پی ٹی آئی نے کہا کہ جب آپ حق کے راستے پر ہوتے ہیں تو مشکلات آتی ہیں، ہمیں دنیا کی کسی طاقت یا شخص سے امید نہیں، اللّٰہ سے امید ہے، بانی پی ٹی آئی دوبارہ آئے گا، سفر دوبارہ وہیں سے شروع ہوگا جہاں سے رجیم چینج آئی تھی۔

آئینی ترمیم پر تنقید

ان کا کہنا تھا کہ 26ویں آئینی ترمیم جس طرح پاس کی گئی وہ فسطائیت آج بھی جاری ہے، آئینی ترمیم پر اپوزیشن سے حکومت نے رابطہ کیوں نہیں کیا؟