عمران خان تاریخ کا اعلان کریں گے تو پورا ملک نکلے گا، علی امین گنڈاپور

علی امین گنڈاپور کا اہم بیان

پشاور (ڈیلی پاکستان آن لائن) خیبرپختونخوا کے وزیراعلیٰ علی امین گنڈاپور نے کہا ہے کہ پاکستان تحریک انصاف کے بانی عمران خان تاریخ کا اعلان کریں گے تو پورا ملک نکلے گا، یہ آخری کال ہوگی، سروں پر کفن باندھ کر نکلیں گے۔

یہ بھی پڑھیں: وزیراعظم نے فیلڈ مارشل عاصم منیر کی چیف آف ڈیفنس فورسز کی تعیناتی کی سمری ایوان صدر بھجوا دی

گورنر سے ملاقات کی تفصیلات

پشاور میں میڈیا سے گفتگو میں علی امین گنڈاپور کا کہنا تھا کہ گورنر سے ملاقات کا کوئی ایجنڈا نہیں تھا، وزیر کی حلف برداری کی تقریب میں غیر رسمی ملاقات ہوئی۔

یہ بھی پڑھیں: پاکستان نے 70 کروڑ ڈالرز کا چینی قرض واپس کر دیا

9 نومبر کا صوابی جلسہ

انہوں نے کہا کہ 9 نومبر کو صوابی جلسے میں قرارداد پیش کریں گے، عمران خان تاریخ کا اعلان کریں گے تو پورا ملک نکلے گا اور یہ آخری کال ہوگی، سروں پر کفن باندھ کر نکلیں گے۔

یہ بھی پڑھیں: بھارت نے جنگ کی دھمکیوں کا انجام دیکھ لیا، اب اگر پانی بند کیا تو اس کا انجام بھی دیکھ لے گا، وزیر اعظم

پی ٹی آئی کے خلاف ظلم

ان کا کہنا تھا کہ 9 نومبر کو صوابی جلسے میں پی ٹی آئی پر ہونے والے ظلم سے متعلق قرارداد پیش کرنی ہے، قرارداد پیش کی جائے گی کہ بانی پی ٹی آئی کو بے گناہ جیل میں ڈالا گیا ہے، ڈھائی سال سے پی ٹی آئی کے خلاف فسطائیت جاری ہے، ہمیں پرامن تحریک چلانے نہیں دی جارہی ہے۔

یہ بھی پڑھیں: Government Hires Consultant for Profiling Chinese Loans in CPEC Power Plants

بے نامی اثاثوں کی نشاندہی

وزیراعلیٰ کا کہنا تھا کہ صوابی جلسے میں مشترکہ طور پر بحیثیت صوبہ قرارداد پاس کریں گے اور بتایا جائے گا کہ جب بانی پی ٹی آئی فائنل کال دیں گے کیا تیاری کرنی ہے، فائنل کال کے بعد جب تک ہمارا حق نہیں ملتا، تب تک کوئی واپس نہیں جائے گا، اس بار جب ہم نکلیں گے تو وہی بندہ آئے گا جو گھر بتاکر آئے گا کہ واپسی آزادی کے ساتھ ہی ہوگی۔

40 فیصد انعامی رقم کا اعلان

انہوں نے بے نامی اثاثوں کی نشاندہی کرنے والوں کو 40 فیصد رقم دینے کا اعلان کیا اور کہا کہ اس سکیم سے پٹواری زیادہ فائدہ اٹھائیں گے کیونکہ انہیں بے نامی زمینوں کا زیادہ پتہ ہوتا ہے۔