لڑکی سے دوستی کا تنازع، بااثر افراد نے ایک دوسرے پرفائر کھول دیے

شارع فیصل پر فائرنگ کا واقعہ

کراچی (ڈیلی پاکستان آن لائن) شارع فیصل پر چلتی گاڑیوں سے فلمی انداز میں فائرنگ کا واقعہ پیش آیا ہے، دو گاڑیوں میں سوار افراد نے ایک دوسرے پر فائرنگ کی، جس کے نتیجے میں دو سیکیورٹی گارڈ زخمی ہوگئے۔

یہ بھی پڑھیں: کرسٹیانو رونالڈو بہت جلد مشہور سیریز ’’فاسٹ اینڈ فیوریس‘‘جوائن کرنے والے ہیں،ہالی ووڈ اداکار وین ڈیزل کا دعویٰ

واقعے کی تفصیلات

پولیس کے مطابق فائرنگ کا واقعہ گزشتہ رات تین بجے لڑکی کے تنازعے پر پیش آیا، ایک لڑکی گاڑی میں اپنے دوست کے ساتھ شارع فیصل پر جا رہی تھی کہ لڑکی کا بوائے فرینڈ گاڑی کا پیچھا کرتا ہوا آیا اور پھر فائرنگ کا تبادلہ ہوا۔

یہ بھی پڑھیں: مجھے ایک ایم و یو کا نتیجہ دکھا دیں جو اس حکومت نے کیا، 25 ارب ڈالر انویسٹمنٹ تو بہت بڑی بات یہ البیک ہی پاکستان لے آئیں، تیمور جھگڑا

فائرنگ کا تبادلہ

پولیس کے مطابق بااثر نوجوان نے گاڑی پر فائرنگ کر کے روکنے کا کہا، لڑکے کی لگژری گاڑی میں سوار سیکیورٹی گارڈز نے دوسری گاڑی پر فائرنگ کی، دوسری گاڑی پر موجود سیکیورٹی گارڈز بھی فائرنگ کرتے رہے۔

یہ بھی پڑھیں: دورۂ امریکہ، اسحاق ڈار واشنگٹن بھی جائیں گے، اہم شخصیت سے ملاقات طے

سیکیورٹی اقدامات

حکام نے بتایا کہ واقعے کے بعد لڑکی کار سے اتر کر فرار ہو گئی تھی جسے حراست میں لے لیا گیا، گاڑیوں میں سوار دونوں دوست درین اور مصطفیٰ کو بھی حراست میں لے لیا گیا ہے، فائرنگ سے زخمی دونوں سیکیورٹی گارڈز بھی زیر حراست ہیں اور سیکیورٹی گارڈ کے چار ہتھیار پولیس نے قبضے میں لے لیے ہیں۔

مقدمے کی صورتحال

ایئرپورٹ پولیس کا کہنا ہے کہ واقعے کا مقدمہ اب تک نہیں ہوا ہے، مقدمہ پولیس کی مدعیت میں مقدمہ درج کیا جائے گا۔