دوسروں کی خوشنودی کی ضرورت نہیں، اپنی اہمیت کیساتھ کسی کا تقابل ترک کر دیں، اس الجھن سے نجات پا لیں گے تو کامیابیاں حاصل کر سکیں گے.

مصنف اور مترجم

مصنف: ڈاکٹر وائن ڈبلیو ڈائر
ترجمہ: ریاض محمود انجم
قسط: 40

یہ بھی پڑھیں: وزیراعظم کا ایرانی صدر سے ٹیلی فونک رابطہ، اسرائیلی، امریکی حملے قابل مذمت قرار

آپ کی اہمیت

آپ اپنی اہمیت اور قدر کے ساتھ کسی کا تقابل کرنے پر مبنی رویہ اور طرزعمل ترک کر دیں۔ ممکن ہے کہ آپ کی ملازمت چلی جائے یا آپ کسی منصوبے میں ناکام ہو جائیں۔ ممکن ہے کہ آپ کو وہ طریقہ پسند نہ ہو جس طریقے کے ذریعے آپ نے ہر کام سرانجام دیا ہو لیکن اس کا یہ مطلب نہیں کہ آپ اہم اور قابل قدر نہیں۔ آپ کو لازمی طور پر اس امر کی خبر ہونی چاہیے کہ اپنی کامیابیوں کے قطع نظر آپ کی ذات اہم اور قابل قدر ہے۔ یہ تو ایسے ہی ہے کہ جیسے آپ اپنی ذات کی اہمیت اور قدروقیمت کو کسی بیرونی عنصر کے ساتھ مشروط کر دیں۔ جب آپ اس الجھن سے نجات پا لیں گے تو پھر آپ ہر قسم کی کامیابیاں اور کامرانیاں حاصل کر سکیں گے خواہ آپ کو ان سے دلچسپی ہو نہ ہو کیونکہ یہ کامیابی کسی بھی طرح ایک شخص کے لحاظ سے آپ کی قدروقیمت کا تعین نہیں کر سکتی۔

یہ بھی پڑھیں: حکومت نے اسلام آباد پولیس میں 7 ہزار 600 نئی بھرتیوں کی منظوری دیدی

محبت خود سے

یہ سب عملی طریقے اور دیگر تراکیب وہ لوگ اختیار کرتے ہیں جنہیں اپنے وجود، اپنی ذات اور بدن سے محبت ہے اور وہ اپنے بدن کی دیکھ بھال اور نگہداشت کرتے ہیں۔ عام طور پر یہ تمام عملی طریقے اور تراکیب ان عادات کے لیے زہرقاتل ہوتے ہیں جنہیں آپ اپنے بچپن میں اپنا چکے ہوتے ہیں۔ ایک زمانے میں آپ حُبِ ذات کا مرقع تھے۔ ایک بچے کی حیثیت سے فطری اور قدرتی طور پر آپ کو علم تھا کہ آپ اہم اور قابل قدر ہیں۔

یہ بھی پڑھیں: کوئی مذاکرات نہیں ہیں، جو ڈی چوک پہنچے گا وہ گرفتار ہوگا، محسن نقوی کا بیان

سوالات پر غور

اب مندرجہ ذیل سوالات پر نظر ڈالیے:
کیا آپ اپنے وجود، ذات اور بدن کو بغیر کسی احساس کمتری اور شکوہ شکایت کے اپناتے ہیں؟
کیا آپ ہر وقت اور ہمیشہ اپنے وجود، ذات اور بدن کے لیے محبت و چاہت کا اظہار کرتے ہیں؟
کیا آپ دوسروں کے لیے محبت و چاہت کا اظہار اور دوسروں کی طرف سے محبت و چاہت حاصل کر سکتے ہیں؟

یہ بھی پڑھیں: چوہدری طارق اقبال کی جانب سے افطار ڈنر، پاکستان انویسٹرز فورم اور پاکستان قومی یکجہتی فورم کے اراکین اور کمیونٹی کی شرکت

ذاتی اہداف

یہ وہ مسائل و معاملات ہیں جن کے حصول کے لیے آپ کوشش اور جدوجہد کر سکتے ہیں۔ آپ بہت ہی خوبصورت، پرکشش اور قابل قدر شخص…… یعنی اپنے آپ سے محبت و چاہت پر مبنی رویہ اور طرزعمل اختیار کرنے کے حوالے سے ذاتی اہداف و مقصد متعین و مقرر کر سکتے ہیں۔

یہ بھی پڑھیں: لاہور میں گھریلو جھگڑے پر خاتون کی اپنے بچوں کے ہمراہ خودکشی کی کوشش، مسجد کے مینار سے بحفاظت اتار لیا گیا

تیسرا باب

آپ کو دوسروں کی خوشنودی کی ضرورت نہیں!

”اپنی ذات کے حوالے سے دوسروں کی خوشنودی کا مطلب ہے کہ اپنی ذات کے متعلق دوسروں کی رائے، آپ کی رائے سے اہم اور بہتر ہے۔“ (جاری ہے)

نوٹ

یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔