نیتن یاہو کا ٹرمپ سے رابطہ، ایرانی حملے کے خطرے پر تبادلہ خیال

نیتن یاہو کا ٹرمپ کو مبارکباد

تل ابیب (ڈیلی پاکستان آن لائن) اسرائیلی وزیر اعظم نیتن یاہو نے نومنتخب امریکی صدر ڈونلڈ ٹرمپ کو ٹیلی فونک رابطے کے دوران انتخابات میں کامیابی حاصل کرنے پر مبارکباد پیش کی ہے۔

یہ بھی پڑھیں: پاکستانی پائلٹ کو گرفتار کرنے کا جھوٹا دعویٰ کرنے والی بھارتی معروف صحافی کو حامد میر کا کرارا جواب

امریکی انتخابات کا نتیجہ

امریکی صدارتی انتخابات میں ریپبلیکن امیدوار ڈونلڈ ٹرمپ ڈیموکریٹس امیدوار کاملا ہیرس کو شکست دے کر ایک بار پھر امریکہ کے صدر منتخب ہوگئے ہیں۔

ٹرمپ کے الیکٹورل ووٹوں کی تعداد مطلوبہ 270 سے تجاوز کرگئی جبکہ کاملا ہیرس کو 226 الیکٹرول ووٹ ملے۔

یہ بھی پڑھیں: جھوٹ کے سوداگر بے نقاب، فیک نیوز فیکٹری کا چہرہ دنیا نے دیکھ لیا، مودی سرکار کے ’بے بنیاد دعوے‘ خود کو خطرناک صورتحال میں ڈال لیا

صدر کا حلف اٹھانے کی تاریخ

ڈونلڈ ٹرمپ امریکہ کے 47 ویں صدر ہونگے اور وہ 20 جنوری 2025 کو اپنے عہدے کا حلف اٹھائیں گے۔

یہ بھی پڑھیں: بسنت کے دوران موٹرسائیکل بند، شہری فری ٹرانسپورٹ استعمال کریں: مریم اورنگزیب

نیتن یاہو اور ٹرمپ کی بات چیت

عرب خبر رساں ادارے نے اسرائیلی وزیر اعظم آفس کے حوالے سے رپورٹ کیا کہ بدھ کو اسرائیلی وزیر اعظم نیتن یاہو نے ڈونلڈ ٹرمپ سے ٹیلی فونک رابطہ کیا اور انہیں انتخابات جیتنے پر مبارکباد پیش کی ہے۔

اسرائیلی وزیر اعظم آفس کی جانب سے جاری کردہ بیان میں بتایا گیا کہ دونوں رہنماؤں کے درمیان بات چیت خوشگوار رہی۔

ایرانی خطرے پر تبادلہ خیال

بیان میں مزید کہا گیا کہ دونوں نے "ایرانی خطرے" اور اسرائیل کی سلامتی کے لیے مل کر کام کرنے کی ضرورت پر تبادلہ خیال کیا۔

واضح رہے کہ ایران کی جانب سے اسرائیل کے حملے کے جواب میں حملہ کرنے کا اعلان کیا گیا تھا۔