شہر قائد میں دھند نے ڈیرے ڈال لیے، حد نگاہ متاثر

کراچی میں دھند کے اثرات

کراچی (ڈیلی پاکستان آن لائن) شہر قائد کی فضاؤں میں دھند چھانے کے سبب حد نگاہ کم ہوکر 1500 میٹرز تک رہ گئی ہے۔ آئندہ 24 گھنٹوں کے دوران بھی دھند کا امکان موجود ہے۔

یہ بھی پڑھیں: بلوچستان: طوفانی بارشیں، آسمانی بجلی اور دیوارگرنے سے بچی سمیت 3 جاں بحق

دھند کی شدت کا جائزہ

ایکسپریس نیوز کے مطابق بدھ کی صبح شہر کی فضاؤں میں دھند چھائی رہی، جس کے باعث حد نگاہ بیشتر وقت 2 کلومیٹر تک کم ہوئی۔ ایک موقع پر یہ حد نگاہ 1500 میٹرز تک آ گئی۔ شہر کے مضافاتی علاقوں میں دھند کی شدت باقی ماندہ شہر کی نسبت زیادہ رہی۔ واضح رہے کہ معمول کی حد نگاہ 6 کلومیٹر یا اس سے زائد ہوتی ہے۔

یہ بھی پڑھیں: والد کے تایا اپنے بیٹے کو ملنے انجینئرنگ یونیورسٹی لاہور گئے، دھوتی کرتے میں ملبوس، ہاتھ میں دیسی گھی کی گڑوی، ہوسٹل پہنچتے تک مجھے جوتے پڑتے رہے

محکمہ موسمیات کی پیشگوئی

محکمہ موسمیات کا کہنا ہے کہ جمعرات کی صبح کو بھی شہر کی فضاؤں میں دھند چھانے کا امکان ہے۔

درجہ حرارت کی معلومات

بدھ کو کراچی کا کم سے کم درجہ حرارت 23 ڈگری سینٹی گریڈ جبکہ زیادہ سے زیادہ پارہ 35.9 ڈگری سینٹی گریڈ ریکارڈ ہوا۔ سندھ میں سب سے کم پارہ موہنجودڑو میں 17 ڈگری جبکہ زیادہ سے زیادہ پارہ شہید بے نظیر آباد اور مٹھی میں 38.5 ڈگری سینٹی گریڈ ریکارڈ ہوا۔