شہر قائد میں دھند نے ڈیرے ڈال لیے، حد نگاہ متاثر

کراچی میں دھند کے اثرات

کراچی (ڈیلی پاکستان آن لائن) شہر قائد کی فضاؤں میں دھند چھانے کے سبب حد نگاہ کم ہوکر 1500 میٹرز تک رہ گئی ہے۔ آئندہ 24 گھنٹوں کے دوران بھی دھند کا امکان موجود ہے۔

یہ بھی پڑھیں: معیشت درست سمت پر گامزن، مہنگائی کم اور معاشی سرگرمیاں بحال ہورہی ہیں: گورنر سٹیٹ بینک

دھند کی شدت کا جائزہ

ایکسپریس نیوز کے مطابق بدھ کی صبح شہر کی فضاؤں میں دھند چھائی رہی، جس کے باعث حد نگاہ بیشتر وقت 2 کلومیٹر تک کم ہوئی۔ ایک موقع پر یہ حد نگاہ 1500 میٹرز تک آ گئی۔ شہر کے مضافاتی علاقوں میں دھند کی شدت باقی ماندہ شہر کی نسبت زیادہ رہی۔ واضح رہے کہ معمول کی حد نگاہ 6 کلومیٹر یا اس سے زائد ہوتی ہے۔

یہ بھی پڑھیں: محسن نقوی کی بطور چیئرمین پی سی بی تعیناتی کے خلاف دائر درخواست سماعت کیلئے مقرر

محکمہ موسمیات کی پیشگوئی

محکمہ موسمیات کا کہنا ہے کہ جمعرات کی صبح کو بھی شہر کی فضاؤں میں دھند چھانے کا امکان ہے۔

درجہ حرارت کی معلومات

بدھ کو کراچی کا کم سے کم درجہ حرارت 23 ڈگری سینٹی گریڈ جبکہ زیادہ سے زیادہ پارہ 35.9 ڈگری سینٹی گریڈ ریکارڈ ہوا۔ سندھ میں سب سے کم پارہ موہنجودڑو میں 17 ڈگری جبکہ زیادہ سے زیادہ پارہ شہید بے نظیر آباد اور مٹھی میں 38.5 ڈگری سینٹی گریڈ ریکارڈ ہوا۔