نیند کی گولیوں سے بھی جلدی سلانے والا جادوئی پھل، طبی ماہر نے بڑا انکشاف کردیا

سٹریس اور انزائٹی میں اضافہ

لاہور(ڈیلی پاکستان آن لائن) آج کل جس قسم کی روٹین ہے، ایسے میں سٹریس اور انزائٹی جیسے امراض بہت زیادہ بڑھ چکے ہیں۔ نوجوان ہوں یا بڑی عمر کے افراد، انہیں سونے کے لئے نیند کی گولیوں کی ضرورت پڑتی ہے۔

یہ بھی پڑھیں: فن کے سلطان، لیجنڈ اداکار سلطان راہی کا آج 87 واں یوم پیدائش

سوشل میڈیا کا اثر

سوشل میڈیا نے جہاں عوام کو فائدے پہنچائے ہیں، وہیں بے شمار نقصانات بھی تحفے میں دیے ہیں۔ ان نقصانات میں سب سے بڑا نقصان یہ ہے کہ ہر شخص کی صحت پر سوشل میڈیا منفی اثرات مرتب کرتا ہے۔ جب انسان ذہنی طور پر پریشان ہو تو اسے پرسکون نیند کے لئے گولیاں لینی پڑتی ہیں۔

یہ بھی پڑھیں: زندگی کے آخری لمحات میں لوگوں کو سب سے زیادہ کن 4 چیزوں پر افسوس ہوتا ہے؟ نرس کا ایسا انکشاف کہ ہر کوئی سوچ میں پڑ جائے

نیند کی ماہر کی رائے

ویب سائٹ 'سری لائیو' کی ایک رپورٹ کے مطابق نیند سے متعلق طبی ماہر ڈاکٹر مائیکل بروس، جنہیں 'سلیپ ڈاکٹر' کے نام سے جانا جاتا ہے، نے نیند کی گولیوں سے بھی جلد نیند آنے کا طریقہ بتایا ہے۔

یہ بھی پڑھیں: خاتون محتسب پنجاب فیصل آباد پہنچ گئیں، الائیڈ ہسپتال اور سی ای او ایجوکیشن دفتر کا اچانک دورہ

کیلے کے فوائد

ڈاکٹر مائیکل بروس نے 'کیلے' کو وہ جادوئی پھل قرار دیا جو جلد از جلد نیند لا سکتا ہے۔ ان کا کہنا ہے کہ سونے سے قبل کیلا کھانے سے نیند اچھی اور جلد آتی ہے۔ ڈاکٹر بروس نے واضح کیا کہ عام طور پر لوگ سمجھتے ہیں کہ کیلا صبح کے وقت جسم کو توانائی فراہم کرتا ہے، جبکہ اس کے برعکس اسے رات میں کھانے سے کئی فوائد حاصل ہوتے ہیں۔ انہیں کیلے کو 'قدرتی نیند آور گولی' کا نام دیا کیونکہ اس کے اندر میگنیشم موجود ہوتا ہے۔

یہ بھی پڑھیں: ایران کا چند ہی گھنٹوں میں اسرائیل پر دوسرا حملہ

دیگر مفید پھل

اس کے علاوہ، ڈاکٹر بروس نے دیگر پھلوں کے کھانے کو بھی سراہا جو اچھی نیند کے لئے مدد گار ثابت ہوتے ہیں۔ ان میں کیوی بھی شامل ہے جو دماغ میں سیروٹنن بڑھاتا ہے، جو ایک سکون آور ہارمون ہے اور نیند سے پہلے کچھ سستانے کا موقع فراہم کرتا ہے۔

یہ بھی پڑھیں: پنجاب کے عوام کے ٹیکسوں کا پیسہ پہلے لندن اور اب پرتگال بھی منتقل کیا جا رہا ہے ، بیرسٹر سیف

دہی اور انانس کے فوائد

ڈاکٹر مائیکل کے مطابق، سونے سے قبل دہی یا انانس کھانا بھی انتہائی مفید ہے۔

کیلے میں میگنیشیم کی مقدار

ماہرین کے مطابق، کیلا میگنیشم سے بھرپور ہوتا ہے اور میگنیشیم آرام اور نیند کے لئے ایک ضروری غذائی عنصر ہے۔ ایک اوسط حجم (126 گرام) کے کیلے کے اندر تقریباً 34 ملی گرام میگنیشم پایا جاتا ہے۔