محکمہ داخلہ میں اہم اجلاس، کیڈٹ کالج عیسیٰ خیل میانوالی کی سیکیورٹی کیلئے رینجرز کی تعیناتی کی منظوری

صوبائی وزیر صحت کا اجلاس

لاہور (ڈیلی پاکستان آن لائن) صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے محکمہ داخلہ میں کابینہ کمیٹی کے 17 ویں اجلاس کی صدارت کی۔ سیکرٹری داخلہ پنجاب نور الامین مینگل نے اجلاس کے دوران صوبہ بھر کے امن و امان کی صورتحال کے بارے میں بریفنگ دی۔

یہ بھی پڑھیں: سعودی عرب میں یوم تاسیس کی تقریبات کا آغاز ہوگیا

مجرمان کی پیرول پر رہائی

کابینہ کمیٹی نے کیڈٹ کالج عیسیٰ خیل میانوالی کی سیکیورٹی کیلئے رینجرز کی تعیناتی کی منظوری دی۔ کابینہ کمیٹی نے 5 مجرمان کی ضابطے کے مطابق پیرول پر رہائی کی بھی منظوری دی۔ پیرول پر رہائی پانے والے افراد اپنے ضلع سے 300 کلومیٹر دور ڈیوٹی دیں گے۔

یہ بھی پڑھیں: اٹلی؛ تارکین وطن کی دو کشتیوں سمندر میں ڈوب گئیں، پاکستانیوں سمیت 100 سے زائد افراد سوار تھے

پیرول کے قوانین

حکومت پنجاب کے قانون کے مطابق قید کے دوران اچھے کنڈکٹ کا مظاہرہ کرنے والے اور تعلیم و فنی قابلیت حاصل کرنے والے قیدیوں کو پیرول پر رہائی ملتی ہے۔ اس سے دیگر قیدیوں میں بہتر رویے کی لگن فروغ پاتی ہے اور وہ اچھے اخلاق کے مظاہرے اور تربیت سے مستقبل میں معاشرے کا مفید شہری بننے کی کوشش کرتے ہیں۔

یہ بھی پڑھیں: بھارتی ٹیم کو بڑا دھچکا، ٹی ٹوئنٹی ورلڈکپ سے قبل اہم کھلاڑی انجری کا شکار ہو گیا

سیکیورٹی انتظامات

کابینہ کمیٹی نے رائیونڈ اجتماع کیلئے بہترین سیکیورٹی انتظامات کی بھی ہدایت کی۔ چیئرمین کابینہ کمیٹی و وزیر صحت خواجہ سلمان رفیق نے اجلاس کے دوران اظہارِ خیال کرتے ہوئے کہا کہ مستقبل میں تمام کرکٹ سیریز اور دیگر سیکیورٹی ڈیوٹیز کے دوران پہلے سے خریدے گئے کیمروں کا مؤثر استعمال یقینی بنایا جائے۔ انتظامیہ سرکاری وسائل کا میرٹ کے مطابق درست استعمال یقینی بنائے۔

یہ بھی پڑھیں: پاکستان کی سب سے بڑی سکریپ مارکیٹ “شیر شاہ کباڑی بازار” کا داخلی راستہ سیوریج کے پانی سے بھر گیا

شہریوں کی سہولت

خواجہ سلمان رفیق نے ہدایت کی کہ شہریوں کی سہولت کیلئے دوران اجتماع ٹریفک پلان پر عملدرآمد یقینی بنایا جائے اور اجتماع کے اختتام پر شرکاء کو محفوظ اور مؤثر انداز میں گھروں کو لوٹایا جائے۔ صوبہ بھر میں امن کی فضاء کو قائم رکھنا ریاست کی ذمہ داری ہے اور تمام ادارے اس مقصد کے حصول کیلئے دن رات کوشاں ہیں۔

اجلاس میں شرکت کرنے والے افسران

سیکرٹری داخلہ پنجاب نور الامین مینگل، ایڈیشنل آئی جی چوہدری سلطان، سی سی پی او لاہور بلال کمیانہ، سپیشل سیکرٹری داخلہ فضل الرحمان، ڈی آئی جی سپیشل برانچ و ڈی آئی جی سی ٹی ڈی، ڈی جی پروبیشن اینڈ پیرول شاہد اقبال اور متعلقہ حکام نے کابینہ کمیٹی برائے امن و امان کے اجلاس میں شرکت کی۔