26ویں آئینی ترمیم، کلائمٹ چینج، اسموگ ڈپلومیسی، فکر مند عدلیہ
26 ویں آئینی ترمیم: ایک امید کی کرن
تحریر: زینب وحید
16 اکتوبر کی ایک سیاہ رات میں 26 ویں آئینی ترمیم کی منظوری سے سیاسی فوائد یا نقصان ہر طرف زیر بحث ہے۔ اُ س تاریک شب سے اُمید کی ایک کرن پھوٹی ہے جب پاکستان نے وہ کارنامہ کر دکھایا جو ترقی پذیر ممالک تو دور کی بات متعدد امیر ممالک بھی نہ کر سکے۔ اُس رات ہم ماحولیاتی تبدیلی کا مقابلہ کرنے کے لئے عملی اقدامات کی طرف بڑھنے والے صف اول کے ممالک میں شامل ہو گئے۔ سیاسی جھگڑے، بیانات، الزامات، جوابات اور دعوے اپنی جگہ، لیکن جدید چیلنج کا مقابلہ کرنے کی کوشش کے طور پر قانون سازی پر حکومت کی شاباش تو بنتی ہے۔
یہ بھی پڑھیں: کرم میں مسافر گاڑی کھائی میں گر گئی، 7افراد جاں بحق
آئین میں ماحولیات کا تحفظ
26 ویں آئینی ترمیم کی شق A 9 کے تحت ماحولیات کے تحفظ کو بنیادی حق تسلیم کر لیا گیا ہے۔ اس آرٹیکل کو "صاف اور صحت مند ماحولیات" کا نام دیا گیا ہے جس کے بعد صاف، صحت مند اور پائیدار ماحول ہر شہری کا بنیادی حق قرار دیا گیا ہے۔ اس کا کریڈٹ بلاشبہ پیپلز پارٹی کی رہنما اور سابق وزیر برائے کلائمٹ چینج شیری رحمان کو جاتا ہے۔
یہ بھی پڑھیں: فردوس شمیم نقوی نے مرزا آفریدی کو سینیٹ کا ٹکٹ دینے کی وجہ بتا دی
عالمی پذیرائی
میں نے پاکستان کی یہ پیش رفت یہاں امریکا میں اپنے کارلٹن کالج کے ہم جماعتوں سے شیئر کی تو افریقی ممالک کے طلباء حیران رہ گئے۔ سینئر بھارتی اسٹوڈنٹس نے بھی کافی پذیرائی کی اور مجموعی طور پر پروفیسرز صاحبان نے بھی تعریف کی ہے۔ ماحولیاتی تحفظ کو آئینی صورت دینا ہماری پارلیمان کے وسیع النظر ہونے کا ثبوت ہے۔
یہ بھی پڑھیں: آرٹیکل 191 اے ون کو 191 اے تھری کے ساتھ ملا کر پڑھیں، آئینی بنچ کے لیے ججز جوڈیشل کمیشن نامزد کرے گا، جسٹس عائشہ ملک
عمل درآمد کی ضرورت
ماہرین، سول سوسائٹی اور کلائمٹ ایکٹوسٹس کافی مطمئن ہیں کہ اب ماحولیاتی عدم تحفظ پر سرکاری اداروں سے عدالتوں کے ذریعے اقدامات اور مستقبل کی حکمت عملی کے بارے میں سوال کیا جا سکے گا۔ لیکن شق کی ابھی کوئی تعریف نہیں کی گئی، نہ ہی عملدرآمد کا لائحہ عمل اور مستقبل کا روڈ میپ دیا گیا ہے۔
یہ بھی پڑھیں: ویڈیو: پاکستان کا ایسا قبرستان جسے دور دراز سے لگ صرف دیکھنے آتے ہیں، جانیے اس منفرد قبرستان کی کہانی
ماحولیاتی چیلنجز
ماہرین کا خیال ہے کہ اس آئینی شق کو مزید بہتر بنانے کے لیے ماحولیات کی تعریف میں فضائی آلودگی، شور (وائس پولوشن) ، صاف پانی کی فراہمی اور دیگر مسائل کو شامل کیا جانا چاہیے۔
یہ بھی پڑھیں: دھی رانی پروگرام: لاہور میں 180 مستحق بیٹیوں کی اجتماعی شادیاں، ریاست اپنی ذمہ داری ادا کر رہی ہے : صوبائی وزیر سوشل ویلفیئر سہیل شوکت بٹ
اسموگ اور حکومتی اقدامات
حکومت نے اسمارٹ فیصلہ کرتے ہوئے لاہور میں اسموگ کے تدارک کے لئے گرین لاک ڈاؤن لگا دیا ہے۔ وزیراعلیٰ پنجاب مریم نواز شریف نے اسموگ پر پاک بھارت ڈپلومیسی کا اشارہ دیتے ہوئے کہا کہ یہ انسانی مسئلہ ہے اور دونوں پنجاب کے درمیان مشترکہ اقدامات کی ضرورت ہے۔
یہ بھی پڑھیں: کراچی اور لاہور ریجن کے مخصوص فضائی روٹس کو مختلف اوقات میں بند کرنے کا فیصلہ
ماحولیاتی تبدیلی اور COP29
انتسیویں عالمی ماحولیاتی کانفرنس (کاپ 29) 11 سے 22 نومبر تک آذربائیجان کے دارالحکومت باکو میں ہو رہی ہے۔ اس کانفرنس میں ماحولیاتی تبدیلی کی تباہ کاریاں روکنے کے لئے مشترکہ حکمت عملی پر غور کیا جائے گا۔
یہ بھی پڑھیں: فیفا کی اسرائیل فٹبال ایسوسی ایشن کیخلاف بڑی کارروائی، متعدد خلاف ورزیوں کا مرتکب قرار دیدیا
پاکستان کی دستاویزات اور مالیات
پوری دنیا اعتراف کرتی ہے کہ پاکستان اُن ممالک میں شامل ہے جن کا گرین ہاؤس گیسوں کے اخراج میں حصہ تو ایک فیصد سے بھی کم ہے، لیکن متاثرہ ممالک کی فہرست میں پانچواں نمبر ہے۔ حکومتی وعدوں کے باوجود مالی نقصانات کا تخمینہ بڑھتا جا رہا ہے۔
عملی اقدامات کی ضرورت
26 ویں آئینی ترمیم کی صورت میں پاکستان میں ماحولیات سے متعلق قانون سازی تو مثالی ہے، لیکن صرف قانون بنا دینا کافی نہیں بلکہ فوری عملی اقدامات بھی ناگزیر ہیں۔ معاشرے کے ہر فرد کو سوشل میڈیا پر پوسٹ کرنے کے بجائے عملی طور پر کچھ کر دکھانا ہوگا۔
نوٹ: یہ مصنفہ کا ذاتی نقطہ نظر ہے جس سے ادارے کا متفق ہونا ضروری نہیں۔
اگر آپ بھی ڈیلی پاکستان کیلئے لکھنا چاہتے ہیں تو اپنی تحاریر ای میل ایڈریس ’[email protected]‘ یا واٹس ایپ "03009194327" پر بھیج دیں۔
